Yoshua 20:3 - MUKANDA USANDU WA ZAMBI 1975

³ hanga yoze mashiha mutu mweswawo, kachihalile hanji kachinyingikine, akachinyinemo. Muyikapwa kuli yenu uchinyino ha kuchina mukwa kukala manyinga.

Mukanda Wa Zambi 1970

³ Nyi umwe mutu hashiha mukwo te kachizangile, mahasa kuchinyina ko hanga alilamwine kuli mutu yoze mazanga kukala usoko wenyi.

Yoshua 20:3 Iomraidhean Croise

2 Samuel 14:11

Pwo yamba ngwenyi, Ngunaliumbu kuli yenu mwanangana, Iwulukenu Yehova Zambi yenu hanga mukwa kukala manyinga kanda ashiha nawa, kuchina mashiha mwanami. Iye yamba ngwenyi, Ni mwono wa Yehova, chipwe lukambu umuwika wa mwané kechi kaholoka hashi.

Alevi 4:2

Amba kuli A-Izalele ngwe, Nyi umwe makavulumuna mutonga wa susumuku mu yuma yeswayo yize Yehova hanayikanjisa mba iye hayilinga;

Kwalula 35:12

E membo akapwe kuli yenu a uchinyino kumeso ja mukwa kukala, kuchina mukwa kushiha mafwa, ndo makamana kumeso ja chikungulwila akamupatwile.

Kwalula 35:19

Mukwa kukala manyinga iye mwene akashihe chingalwe. Ha kutakana nenyi, akamushihe.

Kwalula 35:22

Alioze kachi mamutuwa susumuku, te keshi kole, hanji mamukonga chuma kamujikinyinyine,

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

Yoshua 20:2

Amba kuli A-Izalele ngwe, Tongolenu yihunda ya kuchinyina yize nakwambile kuli Mose,

Yoshua 20:4

Machinyina ku chimwe cha yihunda yino, mamanyina ku chikolo cha kunjila mu chihunda, malumbununa chikuma chenyi kuli makulwana a chihunda chize. Mba o mamutambula mu chihunda, mamwaha chihela, iye matwama hakachi ko.