Yoshua 2:9 - MUKANDA USANDU WA ZAMBI 1975

⁹ Yamba kuli malunga ngwenyi, Ngunanyingika ngwami, Yehova hanwaha chifuchi, ni woma wa yenu hiwatukwata. Chikwo nawa akwa chifuchi eswe anasangunuka kumeso jenu.

Mukanda Wa Zambi 1970

⁹ yaalweza ngwenyi: “Ngunanyingika ngwami, Mwene Zambi hanwaha chifuchi chino. Atu eswe mu chifuchi kaananuvwila woma, haalekumuka.

Yoshua 2:9 Iomraidhean Croise

Ubutukilo 35:5

Chocho yaya, mba woma wunji wapwile ha membo eswe a kwajingilika. Kakawile ana ja Yakomba.

2 Samuel 17:10

Mba chipwe mukwa hamu yoze uli ni mbunge ngwe ya ndumba malezumuka, mumu A-Izalele eswe kananyingika ngwe tatenu mukwa ndundo, ni waze eswe ali no malunga a hamu.

1 MIANANGANA 5:15

Aye yahiluka kuli mutu wa Zambi hamuwika ni atu jenyi eswe; yeza, yamana kumeso jenyi ngwenyi, Haliapwila ngunanyingika ngwami, Kuheshi niumwe Zambi hashi heswe shina mu Izalele. Kashika ngunalembe utambule kama mulambu kuli yami kavumbi ke.

1 MIANANGANA 7:6

Mumu Mwene havwisa tujita twa A-Seria ngwe chinumo cha matemba-a-jita, ni chinumo cha tuvwalu, ngwe chinumo cha chizavu chinene. O yaliamba umwe kuli mukwo ni mukwo ngwo, Mwanangana wa Izalele hafweta kuli mianangana ja A-Hete ni mianangana ja A-Engitu eze akase jita ni yetu.

Nehemia 6:16

Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Estere 8:17

Ni mu yifuchi yeswe ni yihunda yeswe kuze kwahetele liji lia mwanangana ni shimbi yenyi A-Yunda apwile ni chiseke, ni uwahililo, ni yiteleka, ni tangwa lia kuwaha. Anji a kuli mavungu a chifuchi alumukine A-Yunda mumu apwile ni woma wa A-Yunda.

Jobe 19:25

Mumu ngunanyingika Mukwa-Kungukula katwama ni mwono. Mwe kasula-songo iye kumakamana ha mavu.

Miaso (Masamu) 112:10

Yingulungulu makachimona nikupihilila. Makalikopola ku mazo; makasangunuka, chize yingulungulu anazange kumuchikatoka.

Miaso (Masamu) 115:16

Malilu o malilu a Yehova, alioze hashi hakunjika kuli ana ja atu.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Kutuhuka 23:27

Kumungukatuma mwongo wami kulutwe lienu. Mungukapinjisa atu eswe waze munukaaheta, mba akwa kole jenu eswe makanuchina.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 23:5

Ha kuheta lufuma wacho ku Engitu, kwapwile kulifwita mu mbunge mumu ha sango ja ku Teru.

Jeremia 27:5

yami mwene ni tachi jami jinene ni kwoko liami lia kuzoza hinatanga hashi, ni atu, ni tushitu waze ali hashi, mba nakuyihana kuli mweswe munguzanga kumwahayo.

Nahume 2:10

Cheswe cha hululu! Cha kwenyeka ni kulumbula! Mbunge jinalezumuka ni makungunwa kanachikima. Misongo yakwata ku miongo yeswe; meso eswe analumuka a woma.

Kwalula 20:14

Mose yatuma mikeji ku Kandeshe kuli mwanangana wa Endome ngwenyi, Chocho anambe mwanakwenu Izalele ngwenyi, Yena unanyingika lamba lize liatuwanyine yetu;

Kwalula 20:24

Kumatwala Arone kuli atu jenyi; mumu iye kechi kanjila mu chifuchi nahanyine kuli A-Izalele, se nwakolemene liji liami ku meya a Meripa.

Mateu 20:15

Kuchalitele ni shimbi hali yami kulinga chize ngunapale ni yuma ya yami mwene, nyi? Shina liso lie liapwa lipi, mumu yami nguli mupema?

Shimbi 11:25

Kukuchi kupwa mutu niumwe makamana kumeso jenu; Yehova Zambi yenu masa woma wenu ni mwongo wenu ha chifuchi cheswe munukaliataho, ngwe iye wambile kuli yenu.

Shimbi 2:25

Tangwa lino munguputuka kukolesa mwongo wenu ni woma wenu atu eswe ali kushi lia lilu lieswe. Mevwa lufuma wa yenu, kumakachikima, ni kupinda mumu hali yenu.

Shimbi 28:10

Mavungu eswe a hashi makamona ngwo, Hananuluku ni jina lia Yehova, mba makanuvwila woma.

Shimbi 32:8

Muze mwe Chitunda wahanyine yihinga ku mavungu, muze wahandunwine ana ja Alama, wafunjikile njiza ja minyachi nikulita ni kwalula cha A-Izalele.

Hebreu 11:31

Ku Ufulielo Rahape, chikoi, katokeleko hamwe ni waze kononokeneko, se watambwile ngendeshi ni sambukila.

Yoshua 2:11

Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

Yoshua 2:24

Yamba kuli Yoshua ngwo, Chamwenemwene Yehova hakunjika chifuchi cheswe mu moko jetu. Chikwo nawa akwa chifuchi eswe analezumuka ha mukunda wa yetu.

Yoshua 2:8

Shimbu kanda achipomba, mwe pwo wejile kuli ayo helu lia zuwo.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Yoshua 6:2

Kashika Yehova yamba kuli Yoshua ngwenyi, Kwamwene! Hinakwaha Yeriku mu kwoko lie hamuwika ni mwanangana wo ni yitakame, akwa hamu.

Yoshua 9:10

Ni yuma yize yeswe alingile kuli mianangana aali a A-Amore, Sahone mwanangana wa Heshebone ni Oge mwanangana wa Mbashane mu sali lia Yordau, atwama mu chifuchi cha Asatarote.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Yoshua 9:9

O yamukumbulula ngwo, Etu ngamba jenu ku chifuchi chisuku chikolo tunakatuka, mumu ha jina lia Yehova Zambi yenu. Mumu hitwevwa lufuma wenyi ni yuma yize yeswe alingile mu Engitu.

Akwa Kuyula 7:14

Sepa lienyi yamba ngwenyi, Kuchalumbunukine chuma chikwo shina katana wa Ngideone mwana wa Njoashe, Ka-Izalele. Zambi hanakunjika A-Mindiane ni mbunga yo yeswe ku moko jenyi.