Yoshua 2:24 - MUKANDA USANDU WA ZAMBI 1975

²⁴ Yamba kuli Yoshua ngwo, Chamwenemwene Yehova hakunjika chifuchi cheswe mu moko jetu. Chikwo nawa akwa chifuchi eswe analezumuka ha mukunda wa yetu.

Mukanda Wa Zambi 1970

²⁴ Yaamba nawa ngwo: “Tunafuliela ngwetu, Mwene Zambi makatwaha chifuchi cheswe. Atu jako eswe kaanatuvwila mwongo.”

Yoshua 2:24 Iomraidhean Croise

Kutuhuka 15:15

Hohene miata ja A-Endome alishimwokene. Akwa ndundo ja A-Moape kuchikima hichaakwata. Eswe akutwama ku Kanana hanasangunuka.

Kutuhuka 23:31

Mungukafunjika njiza jenu chize ku Kalunga-lwiji Muchila ndo ku kalunga-lwiji wa A-Filistea; chize ku puya ndo ku Lwiji, mumu mungukakunjika akwa chifuchi chize ku moko jenu mba yenu munukaahuma kulutwe lienu.

Yishima 25:13

Kuli waze amutuma kanganda wa jika kapwa ngwe chishika cha neve ha mwaka wa kucha, mumu kakuhuzulula mbunge ja akako.

Yoshua 1:8

Mukanda uno wa shimbi kanda ukatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yasonewenamo. Chocho muwahisa jila ye; chocho yuma ye muyiwaha.

Yoshua 2:23

Aho e malunga aali apalumukine ku milundu. Yazauka, yeza kuli Yoshua mwana wa Nune, yamulweza yize yeswe yaawanyine.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Yoshua 6:2

Kashika Yehova yamba kuli Yoshua ngwenyi, Kwamwene! Hinakwaha Yeriku mu kwoko lie hamuwika ni mwanangana wo ni yitakame, akwa hamu.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Akwa Kuyula 1:2

Yehova yamba ngwenyi, A-Yunda makanduka; hinakunjika chifuchi mu moko jo.

Akwa Kuyula 18:10

Muze munuyako munuwana atu kanyongene nichimwe. Chifuchi chatoha, mba Zambi hachikunjika mu moko jenu. Chifuchi chize kuchahonene chuma nichimwe cha hano hashi.

Akwa Kuyula 7:9

Ufuku uze wene Yehova yamba kuli iye ngwenyi, Katuka ukapupe chilombo mumu hinachikunjika mu moko jenu.