Yoshua 2:19 - MUKANDA USANDU WA ZAMBI 1975

¹⁹ Mweswe matuhuka ku yikolo ya zuwo lie mu tapalo, mutonga wa manyinga jenyi ukapwe ha mutwe wenyi—etu kutushi mutonga. Alioze mweswe uli mu zuwo hamwe ni yena nyi mamulinga chipi mutonga wa manyinga jenyi muupwa ha mitwe yetu.

Yoshua 2:19 Iomraidhean Croise

2 Samuel 1:16

David yamba kuli iye ngwenyi, Manyinga je akapwile ha mutwe wa yena mwene, se kanwa lie hiliakushindakenya ngwe, Hinashiha yoze amuwayishile kuli Yehova.

2 Samuel 4:11

Kuhiana chikolo muze yingulungulu hashiha mukwa ululi mu zuwo lienyi mwene ha muhela. Te chichi kufwetesa manyinga jenyi ku moko jenu ngukanunongese hashi nyi?

1 Yitanga Ya Mianangana 2:32

Yehova makahilwisa ha mutwe wenyi manyinga jenyi mumu washihile malunga aali akwa ululi, malunga apema kuhiana iye. Yaashiha ni katana, tata David te kachinyingikine, ngwami Abenere mwana Nere kapitau ka tujita twa Izalele ni Amasa mwana Jetere kapitau ka tujita twa Yunda.

Kutuhuka 12:13

Mumu e manyinga kumakapwa chilayi kuli yenu ku mazuwo kuze nuli. Muze mungukamona e manyinga mungukanuzomboka, mba kukuchi kapwa kuli yenu chilungo nichimwe cha kunwenyeka muze mungukalamba chifuchi cha Engitu.

Kutuhuka 12:22

Nukande chisapo cha hisope, nukachichupike mu manyinga ali mu mbasia, nukasapwile e manyinga ali mu mbasia ha chikuli ni ha yipamba yiali ya ku yikolo. Mba mutu niumwe wa kuli yenu kanda akatuhuka ku chikolo cha zuwo lienyi ndo mu kucha.

Kutuhuka 12:23

Mumu Yehova makapalika ndusu mukulamba A-Engitu. Muze makamona e manyinga ha chikuli ni ha yipamba yiali ya ku chikolo, Yehova kumakazomboka che chikolo. Iye kechi katayiza chonwonyi kunjila mu mazuwo jenu akanulambe.

Alevi 20:11

Lunga yoze hanapombo ni pwo lia tato hanafukula uselesele wa tato. Kashika akaashihe eswe ni aali. Manyinga jo akapwe hali ene.

Alevi 20:9

Mweswawo matuka tato hanji naye akamushihe. Hatuka tato hanji naye, kashika manyinga jenyi akapwe hali iye mwene.

Mateu 24:17

yoze mapwa helu lia zuwo, kanda akasunuka mukuchiza yuma yize yili mu zuwo lienyi:

Yilinga 18:6

Alioze se alimikine nikushililika, wakukumwine mazalo jenyi, ngwenyi, Manyinga jenu akapwe ha mitwe ya yenwene; yami ngunasambe: chize ku haliapwila ndo ku miaka munguya kuli akwa mavungu.

Yilinga 20:26

Kashika ngunashindakenya kuli yenu tangwa lino, ngwami, Ngunasambe ku manyinga ja atu eswe.

Yilinga 27:31

Paulu wambile kuli kapitau ni maswalale ngwenyi, nyi wano kasalile mu ulungu, yenu kunwahashile kulilamwina.

Filipu 3:9

hanga akanguwane muli iye, hi ni ululi wa yami mwene ko, uze wa ku shimbi, alioze uze wa ku Ufulielo kuli Kristu, ululi uze wa kuli Zambi ku Ufulielo,

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

Yoshua 2:12

Kashika lilakenyenu ni yami ni shingo kuli Yehova se yami hinanulingila vumbi, ni yenu nawa nukalinge ni vumbi kuli akwa zuwo lia tata. Ngwehenu chilayi chamwenemwene.

Yoshua 2:14

Malunga ambile kuli iye ngwo, Nyi kuchi kusolola milimo yino ya yetu mututumbika mwono wetu ha mwono we, ngwetu, muze Yehova matwaha che chifuchi mutulinga ni yena ni vumbi ni umwenemwene.

Yoshua 2:20

Ahoze nyi yena musolola yino milimo yetu, etu mutusamba ha kutwala ku shingo Uno hiwatushingisa.