Yoshua 2:18 - MUKANDA USANDU WA ZAMBI 1975

¹⁸ Muze mutunjila mu chifuchi ena mukashila kamuhipu kano kachila mu njanela yino unatusunwishinamo. Mba mukungulula mu zuwo lie tatenu ni noko, ni mandumbu je ni akwa zuwo lia tatenu eswe.

Yoshua 2:18 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 7:1

Mba Yehova yamba kuli Noe ngwenyi, Njila mu ulungu ni yena ni akwa zuwo lie eswe, mumu nakumona yena mukwa ululi kumeso jami mu chisemuko chino.

Estere 8:6

mumu kuchi munguhasa kumona chipi chino muchiza hali atu jami? Kuchi munguhasa kumona kunonga cha chisemuko chami?

Kutuhuka 12:13

Mumu e manyinga kumakapwa chilayi kuli yenu ku mazuwo kuze nuli. Muze mungukamona e manyinga mungukanuzomboka, mba kukuchi kapwa kuli yenu chilungo nichimwe cha kunwenyeka muze mungukalamba chifuchi cha Engitu.

Mwaso Ubema Wahiana 4:3

Mivumbo ye yapwa ngwe wanda uchila ngengu; kanwa lie Unapeme chikolo. Matafu ja muchima lia wanda we kapwa ngwe romana ja kupula.

Alevi 14:4

sasendote matumina akande tujila aali a mwono, apema, hali yoze anambe kumupemesa, hamwe ni mutondo wa sedru, ni hina lia ngengu ni hisope.

Kwalula 19:6

Sasendote akande mutondo wa sedru, ni hisope, ni hina lia ngengu, hikuyimbila mukachi ka mutende wa kahia ka mwe chimbembe.

Kwalula 4:8

Akazazulwileho hina lia ngengu. Mba hikufuka lie hina ni chifuko cha malambu a yipanyundu. Akanjisemo mikambo yayo.

Luka 19:9

Yesu wambile kuli iye ngwenyi, Musono ulamwino hiweza ku zuwo lino, mumu iye nawa mwana Apalahama.

Yilinga 10:27

Iye wanjilile nikulishimwinya nenyi, wawanyine anji akungamine:

Yilinga 10:33

Haze hene kashika ngunakatuma kuli yena; ni wakalakala hiweza. Haliapwila kashika, yetu eswe kuno kutuli kumeso ja Zambi, mukwivwa yuma yize yeswe hanakwambe kuli Mwene.

Yilinga 11:14

iye kumakakwaha maliji akulilamwina no, yena ni akwa zuwo lie eswe.

2 Timoteu 1:16

Mwene akevwe keke hali akwa zuwo lia Onesefworu: mumu wanguhuzulwile kanji, kevwileko sonyi ha lenge liami.

Hebreu 9:19

Mumu muze te Mose hahanjika shimbi jeswe kuli atu eswe nikulita ni shimbi, wanjile manyinga ja anangombe ni ja pembe, hamwe ni meya ni wanda uchila ni hisope, wasapwilile ni mukanda ni e atu eswe.

Yoshua 2:21

Pwo wambile ngwenyi, Chikapwe nikulita ni maliji jenu. Chocho waashikile, o yakatuka, yaya. Mba iye wakashile kamuhipu kachila mu njanela.

Yoshua 6:23

Chocho akweze aze apwile ngendeshi yanjila, yachizamo Rahape, ni tato ni naye, ni mandumbu jenyi ni atu jenyi eswe. Achijile usoko wenyi eswe nikwatwamisa haze lia chilombo cha Izalele.

Yoshua 6:25

Alioze mwe chikoi Rahape, ni akwa zuwo lia tato, e atu jenyi eswe, Yoshua waalamwinyine ni mwono. Mba iye kanatwama mu Izalele ndo musono mumu waswekele tunganda aze Yoshua watumine akendese Yeriku.