Yoshua 2:14 - MUKANDA USANDU WA ZAMBI 1975

¹⁴ Malunga ambile kuli iye ngwo, Nyi kuchi kusolola milimo yino ya yetu mututumbika mwono wetu ha mwono we, ngwetu, muze Yehova matwaha che chifuchi mutulinga ni yena ni vumbi ni umwenemwene.

Mukanda Wa Zambi 1970

¹⁴ Malunga yaamukumbulula ngwo: “Nyi kuuchi kulweza mutu niumwe chize tunambe kulinga, tunakulakenya ngwetu, muze Mwene Zambi makatwaha chifuchi chino, mutukakulinga yibema. Zambi akatushinge nyi kutwalingile chize hitwamba!”

Yoshua 2:14 Iomraidhean Croise

Ubutukilo 24:49

Haliapwila nyi nunazange kulinga ni utu ni umwenemwene ni mwata wami, nungwambulwile, nyi ka, nungwambulwile hanga ngukatalikise hanji ku chindume hanji ku chimeso.

Ubutukilo 47:29

Mba miaka hiyaheta ya kufwa cha Izalele. Yasanyika mwanenyi José, yamba kuli iye ngwenyi, Nyi hinawana vumbi kumeso je sako kama kwoko lie kushi lia shina lia kulu liami ulilakenye kulinga kuli yami ni utu ni umwenemwene; ngunalembe, kanda ungufunda mu Engitu.

2 Samuel 2:5

David yatuma tunganda kuli malunga a Njabeshe-Ngiliate ngwenyi, Nukawahe kuli Yehova mumu nwasolwele utu wa zango kuli mwene wenu Saulu ha kumufunda.

2 Samuel 2:6

Yehova akasolole utu wa zango ni umwenemwene kuli yenu. Ni yami mungunuwahisa mumu hinwalinga chuma chino.

2 Samuel 9:1

David yamba ngwenyi, Hindu kwasala umwe a ku munyachi wa Saulu hanga ngumulinge vumbi mumu hali Jonatas nyi?

1 Yitanga Ya Mianangana 20:39

Ha kupalika mwanangana yateta kuli iye ngwenyi, Yami kavumbi kenu nayile hakachi ka jita. Mba umwe lunga yajinga yangwaha lunga ngwenyi, Funga yono lunga. Nyi makuchina mwono we muusalakana mwono wenyi, nyi ka mufweta *talentu ya prata.

Yishima 14:22

Akwa kutaka yipi te kapiangukile, nyi? Alioze utu wa zango ni umwenemwene muyikapwa kuli akwa kuhala yipema.

Yishima 18:24

Yoze malizukila masepa anjianji malikokela kwonwona; alioze kwali sepa umwe wakulalaminya kuhiana yoze wasemuka nenyi.

Mateu 5:7

Kawaha akwa kwivwa keke, mumu kumakawana keke.

Yilinga 23:22

Manjolo kashika washikile ni mukweze nikumwaha koki ngwenyi, Kanda uhanjika kuli niumwe ngwe hiwasolola yino yuma kuli yami.

Yoshua 2:13

Nukalamwine ni mwono tata ni mama, ni mandumbu jami, ni ayaya, ni ana-akwetu, ni waze eswe ninyo, nukapulule mwono wetu ku kufwa.

Yoshua 2:15

Mba waasunwishine ni muhipu ku njanela, mumu zuwo lienyi alitungile ha chipanga-cha-mawe cha chihunda, chocho iye watwamine ha chipanga.

Yoshua 6:17

Ni che chihunda ni yize yeswe yilimo munuyijilila kuli Yehova ha kwonwona. Rahape mwe chikoi wika matwama ni mwono hamwe ni waze eswe mapwa no mu zuwo lienyi, mumu iye waswekele tunganda waze twatumine.

Yoshua 6:22

Yoshua yamba kuli malunga aali aze ayile mukwendesa chifuchi ngwenyi, Njilenu mu zuwo lia mwe chikoi ukachizemo mwe pwo ni atu jenyi eswe ngwe nwalitesele nenyi ni shingo.

Yoshua 6:25

Alioze mwe chikoi Rahape, ni akwa zuwo lia tato, e atu jenyi eswe, Yoshua waalamwinyine ni mwono. Mba iye kanatwama mu Izalele ndo musono mumu waswekele tunganda aze Yoshua watumine akendese Yeriku.

1 Samuel 20:8

Kashika ngulingile vumbi, yami kavumbi ke mumu hiunakolesa usendo wa Yehova ni yami kavumbi ke. Alioze nyi chitela nguli nacho, ngushihe yena mwene. Kuchi te mukangutwa la kul tatenu?