Yoshua 2:12 - MUKANDA USANDU WA ZAMBI 1975

¹² Kashika lilakenyenu ni yami ni shingo kuli Yehova se yami hinanulingila vumbi, ni yenu nawa nukalinge ni vumbi kuli akwa zuwo lia tata. Ngwehenu chilayi chamwenemwene.

Mukanda Wa Zambi 1970

¹² Haliabwila lishingenu ni jina lienyi ngwenu, munukalinga yibema ku vungu liami ngwe chize hinanulinga yenu, ngulwezenu chimwe chinyingi chize munguhasa kunufuliela.

Yoshua 2:12 Iomraidhean Croise

Ubutukilo 21:23

Kashika ulishinge hano ni Zambi kuli yami ngwe, kuchi kulinga ni kwonga kuli yami, chipwe kuli mwanami, chipwe kuli mujikulu wami. Alioze ukalinge nikulita ni utu uze yami nalingile kuli yena, chocho mulinga kuli yami ni ku chifuchi chino watwamamo njize.

Ubutukilo 24:3

Ndo mulishinga ni jina lia Yehova Zambi ya mwilu kanda Zambi ya hashi ngwami, Mwanami kuchi kumumbachisa pwo wa kuli A-Kanana wano natwama no.

Ubutukilo 24:9

Chocho mwe ndungo yasa kwoko lienyi kushi lia shina lia kulu lia kakó Apalahama yalishinga ha kutwala ku chino chuma.

Ubutukilo 40:14

Alioze ukangwiwuluke muze muchipwa kawape ni yena, Ukangulinge kama vumbi, ukanguvuluke kuli Falau akanguchize kama mu zuwo lino.

2 Sango Ja Mianangana 36:13

Aye nawa yakatukila Nabukanezore; te hanamushingisa ni jina lia Zambi. Alioze yakwata pami nikukalisa mbunge yenyi kanda yitala kuli Yehova, Zambi ya Izalele.

Estere 8:6

mumu kuchi munguhasa kumona chipi chino muchiza hali atu jami? Kuchi munguhasa kumona kunonga cha chisemuko chami?

Kutuhuka 12:13

Mumu e manyinga kumakapwa chilayi kuli yenu ku mazuwo kuze nuli. Muze mungukamona e manyinga mungukanuzomboka, mba kukuchi kapwa kuli yenu chilungo nichimwe cha kunwenyeka muze mungukalamba chifuchi cha Engitu.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Marku 14:44

Achi, yoze wamukunjikile, waahele kulu chilayi, ngwenyi, Yoze mungumumbeja mwenawo; mukwatenu, numutwale kanawa.

A-ROMA 1:31

Keshi malinjekela, keshi kushishika ku yilakenyo, keshi zango lia atu, keshi keke;

1 Timoteu 5:8

Alioze kachi umwe keshi kulisa atu jenyi mwene, ni kuhiana chikolo akwa zuwo lienyi, kachi hanalikate Ufulielo, kapiha kuhiana yoze keshi kufuliela.

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.

Yoshua 2:13

Nukalamwine ni mwono tata ni mama, ni mandumbu jami, ni ayaya, ni ana-akwetu, ni waze eswe ninyo, nukapulule mwono wetu ku kufwa.

Yoshua 2:18

Muze mutunjila mu chifuchi ena mukashila kamuhipu kano kachila mu njanela yino unatusunwishinamo. Mba mukungulula mu zuwo lie tatenu ni noko, ni mandumbu je ni akwa zuwo lia tatenu eswe.

Yoshua 2:19

Mweswe matuhuka ku yikolo ya zuwo lie mu tapalo, mutonga wa manyinga jenyi ukapwe ha mutwe wenyi—etu kutushi mutonga. Alioze mweswe uli mu zuwo hamwe ni yena nyi mamulinga chipi mutonga wa manyinga jenyi muupwa ha mitwe yetu.

Yoshua 6:22

Yoshua yamba kuli malunga aali aze ayile mukwendesa chifuchi ngwenyi, Njilenu mu zuwo lia mwe chikoi ukachizemo mwe pwo ni atu jenyi eswe ngwe nwalitesele nenyi ni shingo.

Yoshua 9:15

Yoshua wawanyine no. Yakolesa no usendo akatwame ni mwono. Akwa lutwe a chikungulwila alalikenyene no ni shingo.

Akwa Kuyula 1:24

Ngendeshi yamona lunga kanakatuka ku chihunda. Yamba kuli iye ngwo, Utulweze jila ya kunjila mu chihunda mba mutukulinga vumbi.

1 Samuel 30:15

David yamuhula ngwenyi, Mututwala ku mbunga yino, nyi? Iye yamba ngwenyi, Ulishinge ni Zambi, kuchi kungushiha hanji kungukunjika kuli mwata wami mba mungunutwala ku mbunga yino.