Yoshua 2:11 - MUKANDA USANDU WA ZAMBI 1975

¹¹ Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

Mukanda Wa Zambi 1970

¹¹ Muze twevwile sango jino, yitwivwa woma, Yetu eswe yitulekumuka mumu hali yenu. Mwene Zambi, Zambi yenu, kali Zambi wa mwilu ni hashi.

Yoshua 2:11 Iomraidhean Croise

1 Yitanga Ya Mianangana 8:60

hanga mavungu eswe a hashi akanyingike ngwo, Yehova iye Zambi, kukushi mukwo.

1 MIANANGANA 5:15

Aye yahiluka kuli mutu wa Zambi hamuwika ni atu jenyi eswe; yeza, yamana kumeso jenyi ngwenyi, Haliapwila ngunanyingika ngwami, Kuheshi niumwe Zambi hashi heswe shina mu Izalele. Kashika ngunalembe utambule kama mulambu kuli yami kavumbi ke.

Nehemia 6:16

Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Estere 8:17

Ni mu yifuchi yeswe ni yihunda yeswe kuze kwahetele liji lia mwanangana ni shimbi yenyi A-Yunda apwile ni chiseke, ni uwahililo, ni yiteleka, ni tangwa lia kuwaha. Anji a kuli mavungu a chifuchi alumukine A-Yunda mumu apwile ni woma wa A-Yunda.

Miaso (Masamu) 102:15

Chocho mavungu mavwila woma jina lia Yehova, ni mianangana eswe a hashi mavwila woma ulemu we.

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Miaso (Masamu) 58:7

Ahuwe ngwe meya aze anahichi. Muze matondekeza mivu yenyi yikapwe ngwe ya kupatula.

Miaso (Masamu) 83:18

Akanyingike ngwo, Yena wika uli ni jina lia Yehova, uli mwe Chitunda helu lia hashi heswe. Kuli Njimba mukwa lutwe. Ha Ngitite. Samu lia ana a Kora.

Kutuhuka 15:14

Mavungu hachivwa, hanachikima. Yikola hiyakwata waze akutwama ku Filistea.

Kutuhuka 15:15

Hohene miata ja A-Endome alishimwokene. Akwa ndundo ja A-Moape kuchikima hichaakwata. Eswe akutwama ku Kanana hanasangunuka.

Izaya 13:7

Kashika moko eswe makazeya, ni mbunge ya mutu mweswe muyisangunuka,

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Ezekiel 21:15

Hanga mbunge jo jikasangunuke ni anji akalimbuke ku yikolo yo yeswe, hinaaha katana wa kulejima, mama! Kapwa ngwe njaji; kapwa wa kucheka ha kuhana.

Nahume 2:10

Cheswe cha hululu! Cha kwenyeka ni kulumbula! Mbunge jinalezumuka ni makungunwa kanachikima. Misongo yakwata ku miongo yeswe; meso eswe analumuka a woma.

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 20:8

E yilolo ahanjike ni atu nawa ngwo, Lunga muka unevu woma, mbunge yenyi yinalezumuka? Ahiluke ku zuwo lienyi, kuchina mbunge ja akwo mujilela ngwe mbunge yenyi.

Shimbi 4:39

Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

Yoshua 14:8

Alioze akwetu waze ayile ni yami, o alezumwishine mbunge ja atu. Hindu yami nakawile Yehova Zambi yami ndusu mu yuma yeswe.

Yoshua 2:24

Yamba kuli Yoshua ngwo, Chamwenemwene Yehova hakunjika chifuchi cheswe mu moko jetu. Chikwo nawa akwa chifuchi eswe analezumuka ha mukunda wa yetu.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Yoshua 7:5

Akwa Ayi ashihile ngwe makumi atatu a malunga ni malunga asambano hakachi ko. Yaahanga ku chikolo ndo ku Shebarimi nikwashiha ha kupalumuka. Kashika mbunge ja atu jasangunukine, jalumukine ngwe meya.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Usolwelo 6:16

O yamba ku milundu ni ku mawe ngwo, Holokelenu hali yetu, nutusweke ku meso ja yoze watwama ha ngunja, ni ku utenu wa mwe Mwana-panga.