Yoshua 2:10 - MUKANDA USANDU WA ZAMBI 1975

¹⁰ Mumu hitunevu chize Yehova womishine meya a Kalunga-lwiji Muchila kumeso jenu muze nwakatukile ku Engitu. Hitunevu nawa chize nwalingile kuli mianangana aali a A-Amore atwamine mu sali lia Yordau, ngwami, Sahone ni Oge waze nwanongesene wupu.

Mukanda Wa Zambi 1970

¹⁰ Hitunevu chize Mwene Zambi omishine kalunga lwiji Muchila kulutwe lienu, muze nwatuhukile mu chifuchi cha Egiptu. Hitunevu nawa chize nwashihile Sihone ni Oge, mianangana aali ja Aamore a ku chivumbuko cha Yordau.

Yoshua 2:10 Iomraidhean Croise

Miaso (Masamu) 74:15

Wapulile fuji lia meya ni sanga lia meya; womishine njiji jinene.

Kwalula 20:14

Mose yatuma mikeji ku Kandeshe kuli mwanangana wa Endome ngwenyi, Chocho anambe mwanakwenu Izalele ngwenyi, Yena unanyingika lamba lize liatuwanyine yetu;

Kwalula 23:22

Zambi yamuchiza ku Engitu. Kumumona, ngwe iye kali ni tachi ja mbau.

Kwalula 24:8

Zambi yamuchiza ku Engitu. Kumumona, ngwe iye kali ni tachi ja mbau. Kumakamanuna akwa mavungu, akwa kulimika nenyi. Kumakamakuna yifwaha yo tuyipinji. Kumakaatuwa ndusu ni mivi yenyi.

Shimbi 2:30

Alioze Sahone mwanangana wa Heshebone katutayijile kupalika kuli iye, mumu te Yehova Zambi yenu yakalisa manyonga jenyi, yamwaha pami mu mbunge yenyi, hanga amukunjike mu moko jenu, ngwe ha tangwa lino.

Yoshua 24:12

Natumine mboji kumeso jenu ahume kumeso jenu mianangana aali a A-Amore, hi ku katana kenu ko, hanji ku uta wenu.

Yoshua 4:24

Hanga mavungu eswe a hashi akanyingike ngwo, Kwoko lia Yehova ndundo Ukwete. Ni yenu nawa nukavwile woma Yehova Zambi yenu ndo ku miaka ya mutolo.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Yoshua 9:10

Ni yuma yize yeswe alingile kuli mianangana aali a A-Amore, Sahone mwanangana wa Heshebone ni Oge mwanangana wa Mbashane mu sali lia Yordau, atwama mu chifuchi cha Asatarote.