Yoshua 19:51 - MUKANDA USANDU WA ZAMBI 1975

⁵¹ Yino ye yihinga Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele atetele nikulita ni chela ku Shilo, kumeso ja Yehova, kwe ku chikolo cha mbalaka ya chikungulwila. Chocho amanyine kwatetela chifuchi.

Mukanda Wa Zambi 1970

⁵¹ Hako Eleazare, ni Yoshua mwana wa Nune, ni miata ja majiko ja mavungu ja Aisraele yaata chela ahule Mwene Zambi hanga alweze chize maateta yifuchi ya chihinga. Yaachilinga ku Shilo ku chikolo cha zuwo lia Zambi lia makubu. Chenacho amanunwine kuteta chifuchi.

Yoshua 19:51 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 78:60

Chocho wehukile tabernakulu ya Shilo; mbalaka yize asele hakachi ka atu.

Mateu 20:23

Iye ngwenyi, Kumunukanwa chamwenemwene musenge wami, kumakanupapachisa ni upapachiso uze mangupapachisa nawo; alioze kutwama ku chindume chami, hanji ku chimeso chami, hi nichami ko kuhana; alioze chili hali waze hanaalulikilacho kuli Tata.

Mateu 25:34

Hohene Mwanangana makamba kuli waze ali ku chindume ngwenyi, Tweyenu, kunwawaha kuli Tata, nutunge wanangana anululikililewo chize ku kusela cha fundamentu ya hashi:

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yilinga 13:19

Muze te hapupa mavungu shimbiali mu chifuchi cha Kanana, waahele chifuchi cho ngwe chihinga, ngwe kulakaji awana a miaka ni makumi atano a miaka.

Yoshua 14:1

Yenayo yihinga A-Izalele atambwile mu chifuchi cha Kanana. Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele aateteleleyo.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 18:10

Yoshua yaatela chela mu Shilo kumeso ja Yehova. Kuze kwene Yoshua yateta chifuchi kuli A-Izalele, kuli mweswe chihinga chenyi.

Yoshua 20:1

Henaho Yehova yamba kuli Yoshua ngwenyi,

Akwa Kuyula 21:19

Kashika yamba ngwo, Mwaka ha mwaka chiwanyino cha Yehova chiliko ku Shilo sali lia ku Norte lia Mbetele, alioze sali lia ku Chivumbuko lia tapalo lia kuchiza ku Mbetele ni kuya ku Shekeme, te ku Sule ya Lebona.

Akwa Kuyula 21:21

nutale. Nyi ana-mapwo a mu Shilo matuhuka mukuhangana, mba tuhukenu mu minda ya uva, mutu mweswe akalikwachile pwo wa hakachi ka mapwo a Shilo akaye ku chifuchi cha Mbenjamine.

1 Samuel 1:3

Mwe lunga mwaka ha mwaka wakatukile ku chihunda chenyi nikuya mukuwayila Yehova-wa-Tujita nikumulambula yitapo ku Shilo kuze kwatwamine e ana aali a Eli, Hofni ni Finehase, asasendote ja Yehova.