Yoshua 19:10 - MUKANDA USANDU WA ZAMBI 1975

¹⁰ Chela chamuchitatu chayile ku munyachi wa A-Zapulone nikulita ni majimo jo. Chifuchi cha chihinga cho chahetele ndo ku Saride.

Mukanda Wa Zambi 1970

¹⁰ Chela cha muchitatu yichibwa cha majiko ja vungu lia Zabulone. Chifuchi cho cha chihinga yichiheta ndoo ku Saride.

Yoshua 19:10 Iomraidhean Croise

Ubutukilo 35:23

Ana ja Liya, Rupene, mutangu wa Yakomba, ni Simeone, ni Levi, ni Yunda, ni Isaka, ni Zapulone.

Ubutukilo 49:13

Zapulone makatwama ku ngenge ya kalunga-lwiji. Makapwa zuzu ya mato. Njiza yenyi muyikapwa ku Sendone.

Ezekiel 48:26

Kulikaula ni chifuchi cha Isaka, chize ku Chivumbuko ndo ku Chitokelo, chihanda chimuwika, cha Zapulone.

Yoshua 18:11

Chela cha munyachi wa A-Mbenjamine chayile nikulita ni majimo jo. Chifuchi cho chapwilile hakachi ka munyachi wa Yunda ni munyachi wa José.

Yoshua 18:6

Munusoneka chifuchi mu yihanda shimbiali nukanehe ulumbunwiso wacho kuli yami. Mba yami mungunutela chela kuno kwene kumeso ja Yehova Zambi yetu.

Yoshua 19:11

Mba njiza yacho yakandukila ku Chitokelo, yaya ndo ku Mareale. Yapalikila ku Ndabeshe, ndo ku lwiji uli ku sali lia Njokename ku Chivumbuko.

Yoshua 19:9

Chihinga cha munyachi wa A-Simeone chapwile chihanda cha chifuchi cha A-Yunda. Mumu chihanda cha munyachi wa A-Yunda chaatohele naye kashika munyachi wa A-Simeone atambwile chihinga mukachi ka chihinga cho.