Yoshua 18:8 - MUKANDA USANDU WA ZAMBI 1975

⁸ Chocho malunga yapwila mu jila. Waze ayile Yoshua yaamba ngwenyi, Nukasoneke chifuchi. Ku tunda ni ku mwanda nukasoneke chifuchi chize chapwa, nukeze nawa kuli yami. Mba yami mungunutela chela kuno kwene kumeso ja Yehova mu Shilo.

Mukanda Wa Zambi 1970

⁸ E malunga yaaya mu jila yo nikufunjika njiza ya chifuchi muze te Yoshua haaha Shimbi jino ngwenyi: “Yeenu mu chifuchi cheswe ni kuchifunjika. Munubwamuze nukahiluka nawa kuli yami kuno ku Shilo. Mba mungukanuhulila kuli Mwene Zambi ni kuta chela”

Yoshua 18:8 Iomraidhean Croise

Ubutukilo 13:17

Katuka wendese chifuchi ndusu, ni ku usuhe wacho ni ku utohe wacho mumu ngunakwehecho yena.

Izaya 34:17

Hanaatela chela, kwoko lienyi hilinachipangila kuli ayo ni muhipu, makachihinga ndo ku miaka yeswe, chize ku chisemuko ndo ku chisemuko makatwamamo.

A-ROMA 14:19

Chocho tukaulenu yuma yize yatwala ku sambukila, ni yuma yize mutuhasa kulikolesa nayo umwe ni mukwo ni mukwo.

Yoshua 13:7

Kashika ukatete chifuchi chino chikapwe chihinga kuli minyachi livwa ni chihanda cha ha muchima cha munyachi wa A-Manase.

Yoshua 15:1

Chihinga cha munyachi wa A-Yunda nikulita ni majimo jo chatwalile ku Sule ndo ku njiza ya Endome, ku puya ya Zini kwe ku songo lia ku Sule.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 18:10

Yoshua yaatela chela mu Shilo kumeso ja Yehova. Kuze kwene Yoshua yateta chifuchi kuli A-Izalele, kuli mweswe chihinga chenyi.

Yoshua 18:6

Munusoneka chifuchi mu yihanda shimbiali nukanehe ulumbunwiso wacho kuli yami. Mba yami mungunutela chela kuno kwene kumeso ja Yehova Zambi yetu.

Yoshua 18:9

Chocho malunga yakatuka, yapalika mu chifuchi ku tunda ni ku mwanda nikuchisoneka mu mukanda nikulita ni yihunda yacho mu yihanda shimbiali, mba ejile kuli Yoshua mu chilombo mu Shilo.

1 Samuel 14:41

Kashika Saulu yamba kuli Yehova Zambi ya Izalele ngwenyi, Hana Shindakenyo yipema. Jonatas ni Saulu yahia. E atu yasamba.