Yoshua 18:19 - MUKANDA USANDU WA ZAMBI 1975

¹⁹ Chize ku kuze njiza yapalikila ku mulundu wa Mbete-Hogala sali lia ku Norte. Yasulila ku konda ya Chitende cha Mungwa ku Norte, ku sanga lia Yordau ku Sule. Ayo ye njiza ya ku Sule.

Mukanda Wa Zambi 1970

¹⁹ ni kubalika ku sali lia norde lia mundundena ya Bete Hogla, yiisulila ku norde ya chitende cha Kufwa, kuze kwajilila Yordau. Yino yabwile njiza ya ku sude.

Yoshua 18:19 Iomraidhean Croise

Ubutukilo 14:3

Wano eswe alifutwile hamuwika mu chana cha Shindime (likwo ngwo, Chitende cha Mungwa).

Ubutukilo 19:25

Yonwona membo aze ni chana cheswe, ni akwa membo eswe, ni yuma yeswe yasokele ha mavu.

Izaya 11:15

Yehova majimuna liakulu limi lia kalunga-lwiji wa Engitu. Molola kwoko lienyi helu lia mwe Lwiji ni fuji yenyi ya chivukuminya. Mamupula akapwe yitwetwe shimbiali hanga atu akazauke ni sapato jo.

Kwalula 34:3

henaho chifuchi chenu cha ku Sule chikapwe chize ku puya ya Zini nikupalika ku sali lia Endome, njiza yenu ya ku Sule yikapwe chize ku songo lia Chitende cha Mungwa nikutwala ku Chivumbuko.

Shimbi 3:17

Ni Arapa nawa ni Yordau ni njiza yacho, katuke ku Chinerote ndo ku kalunga-lwiji wa Arapa, Chitende cha Mungwa, ku mwanda wa Pisiga ni kutala ku Chivumbuko.

Yoshua 12:3

ni Arapa ndo ku Chitende cha Chinerote ku Chivumbuko, kwa kuya ku Mbete-Jeshimote, ku Chitende cha Arapa, che Chitende cha Mungwa, kwa kutalikisa ku Sule ndo ku ukandukilo wa mulundu wa Pisiga.

Yoshua 15:2

Njiza yo ya ku Sule yachijile ku songo lia Chitende cha Mungwa, ku konda yize yatala ku Sule.

Yoshua 18:18

Yalisesa ha Norte ya mulundu wa Mbete-Arapa yapalumukina ku Arapa.

Yoshua 18:20

Mwe Yordau wapwa njiza ha sali lia ku Chivumbuko. Acho che chihinga cha munyachi wa Mbenjamine nikulita ni majimo jo, njiza ni njiza kweswe kwa kujingilika.

Yoshua 3:16

e meya aze anakatuka ku tunda yamanyina mulumba kusuku, te ku Alama chihunda chasulangana ni Zaretane. Ni meya waze anayi ku mwanda ku Chitende cha Arapa, che Chitende cha Mungwa, o apatukile ngwi. Chocho atu azaukile hatalanganyi ni Yeriku.