Yoshua 18:12 - MUKANDA USANDU WA ZAMBI 1975

¹² Sali lia ku Norte njiza yo yaputuka ku Yordau mba yakandukila ku mulundu ku sali lia Yeriku ku Norte. Aho yakandukila ku Chitokelo ku chifuchi cha milundu. Yasulila mu puya ya Mbete-Avene.

Mukanda Wa Zambi 1970

¹² Ku sali lia norde, njiza yiibutuka ku lwiji Yordau, yiikanduka ku norde ya Yeriku, yiiya ku chitokelo ndusu mu chifuchi cha milundu, ndoo ku puya ya Betehavene.

Yoshua 18:12 Iomraidhean Croise

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Yoshua 16:1

Chihinga cha munyachi wa José chayile chize ku Yordau ku Yeriku, mba ku meya a Yeriku ku Chivumbuko ku puya, nikukanduka chize ku Yeriku ndo ku chifuchi cha milundu ku Mbetele.

Yoshua 18:11

Chela cha munyachi wa A-Mbenjamine chayile nikulita ni majimo jo. Chifuchi cho chapwilile hakachi ka munyachi wa Yunda ni munyachi wa José.

Yoshua 2:1

Ku Shitime Yoshua mwana wa Nune watumine malunga aali ngendeshi ngwe ku tenga ngwenyi, Yénu nukatale chifuchi ni Yeriku. O yaya, yaheta ku zuwo lia umwe chikoi jina lienyi, Rahape. Yapombako.

Yoshua 3:16

e meya aze anakatuka ku tunda yamanyina mulumba kusuku, te ku Alama chihunda chasulangana ni Zaretane. Ni meya waze anayi ku mwanda ku Chitende cha Arapa, che Chitende cha Mungwa, o apatukile ngwi. Chocho atu azaukile hatalanganyi ni Yeriku.

Yoshua 6:1

Acho chihunda cha Yeriku hachiyika muchima ni haze mumu hali A-Izalele. Niumwe watuhukile, niumwe wanjilile.

Yoshua 7:2

Yoshua wakatwishile malunga ku Yeriku akaye ku Ayi, chihunda cha kusulangana ni Mbete-Avene ku sali lia Chivumbuko lia Mbetele. Yamba kuli ayo ngwenyi, Yénu nukendese chifuchi. E malunga ayile nikwendesa Ayi.

Yoshua 8:15

Yoshua ni A-Izalele eswe yalionga ngwe haakumba. Yachina kwa kuya ku puya.

1 Samuel 13:5

A-Filistea akungulukile mukwasa jita ni A-Izalele. Apwile ni makumi atatu a tununu a matemba-a-jita, ni tununu asambano a akwa tuvwalu, ni atu ha kwaalula ngwe masekeseke a ku ngenge ya kalunga-lwiji. Yakanduka, yasa chilombo cho ku Mikimashi, ku sali lia Mbete-Avene ku Chivumbuko.