Yoshua 17:6 - MUKANDA USANDU WA ZAMBI 1975

⁶ Mumu ana a Manase a mapwo atambwile chihinga hamwe ni anenyi a malunga. Chifuchi cha Ngiliate achitetele kuli A-Manase aze asalile.

Yoshua 17:6 Iomraidhean Croise

Ezekiel 48:4

Kulikaula ni chifuchi cha Napatali, chize ku Chivumbuko ndo ku Chitokelo, chihanda chimuwika, cha Manase.

Yoshua 13:29

Mose wahanyine chihinga ku chihanda cha ha muchima cha munyachi wa A-Manase. Wachitetele kuli akwa chihanda cha ha muchima cha munyachi wa A-Manase nikulita ni majimo jo.

Yoshua 13:30

Chifuchi cho chapwile chize ku Mahaneme ndusu Mbashane mweswe, chifuchi cheswe cha Oge mwanangana wa Mbashane, ni yihunda yeswe ya Njaire mu Mbashane, te makumi asambano a membo,

Yoshua 13:31

ni chihanda cha ha muchima cha Ngiliate, ni Asatarote, ni Endreya, membo a mu chifuchi cha Oge mu Mbashane; yino ayihanyine kuli A-Makire mwana wa Manase, ha chihanda cha ha muchima cha A-Makire nikulita ni minyachi yo.

Yoshua 17:5

Chocho kuli Manase kwayile kumi lia yihanda helu lia yifuchi ya Ngiliate ni Mbashane yili mu sali lia Yordau.

Yoshua 17:7

Chifuchi cha Manase chahetele chize ku Ashe ndo ku Mikameta cha ku sali lia Chivumbuko cha Shekeme. Chize ku kuze njiza yatalikisa ku Sule ndo kuli akwa Ene-Tapua.

Yoshua 22:7

Achi ku chihanda cha ha muchima cha munyachi wa A-Manase Mose te hahana chihinga mu Mbashane, alioze ku chihanda chikwo Yoshua hahana chihinga hamuwika ni akwo mu chifuchi cha mu sali lia Chitokelo lia Yordau. Mba muze Yoshua yaatuma ku mahio nikwawahisa,