Yoshua 17:18 - MUKANDA USANDU WA ZAMBI 1975

¹⁸ Alioze chifuchi cha milundu muchipwa nichenu. Chipwe usaki uliko munuuvuka nikuuzuka ndo ku njiza ya sali lize. Mumu munuhuma A-Kanana chipwe kali ni matemba-a-jita a utale, chipwe anatakama.

Mukanda Wa Zambi 1970

¹⁸ “Chifuchi cha ku milundu muchibwa nichenu. Chibwe chili cha usaki, munuchivuka cheswe, muchibwa chihinga chenu. Chibwe Akanana, munwahuma haze. Chibwe kaali ni tachi kuhiana ni chibwe kaali ni matemba a utale, hindu munwahuma.”

Yoshua 17:18 Iomraidhean Croise

Ubutukilo 49:24

Hindu uta wenyi watwama ni tachi. Moko jenyi aatakamishine ku moko ja Mukwa-Ndundo wa Yakomba. (Kwenako mukukatuka mwe kafunga, lie liwe lia Izalele;)

2 Samuel 18:6

Chocho atuhukile e atu mu yambu akase jita ni A-Izalele. Jita yapwile te mu musenge wa Eframe.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

A-ROMA 8:37

Ngwetu, Ka, ha yino yuma yeswe twakuhiana kukumba ku tachi ja yoze waazangile.

Shimbi 33:17

Uhenya wenyi wapwa ngwe ngombe yenyi wa kuji mutangu kusemuka, mbinga jenyi japwa ngwe ja mbau mashinjika najo mavungu, e eswe lume, ndo ku masongo a hashi. Chocho apwa kumi lia tununu a Eframe ni tununu twa Manase.

Hebreu 13:6

Chocho ni kuhamuka tunambe ngwetu, Mwene iye chikwashi chami; chichi kevwa woma. Atu yika mangulinga?

Yoshua 13:6

waze eswe atwama mu chifuchi cha milundu chize ku Lebano ndo ku Miserefote-maime, chipwe A-Sendone eswe, yami mwene mungwahuma kumeso ja A-Izalele; chino wika, ukatetele chifuchi hakachi ka A-Izalele chikapwe chihinga chizechene ngwe hinakwamba.

Yoshua 15:9

Chize ha haze ha songo lia mulundu njiza yaya ndo fuji lia meya a Nefatoa. Chize ha haze yapalikila ku yihunda ya mulundu wa Efrone, mba njiza yalihengela ku Mbaala (ngwami, Kiriate-Yerimi).

Yoshua 17:17

Mba Yoshua yamba kuli akwa José, te A-Eframe, ni A-Manase ngwenyi, Nuli atu anji, ni tachi jinji nuli najo, kashika kunuchi kupwa ni chihanda chimuwika.

Yoshua 20:7

Chocho ahandunwine Kendeshe mu Ngalileya mu chifuchi cha Napatali mu milundu, ni Shekeme mu chifuchi cha Eframe mu milundu, ni Kiriate-Arpa (ngwami Heprone) mu chifuchi cha Yunda mu milundu.

1 Samuel 1:1

Kwapwile umwe lunga wa Ramataime-Zofime mu chifuchi cha Eframe ku milundu, jina lienyi Elekana, mwana wa Jerohame, mwana wa Elihu, mwana wa Tohu, mwana wa Zufu, Ka-Eframe.