Yoshua 17:11 - MUKANDA USANDU WA ZAMBI 1975

¹¹ Chikwo nawa hakachi ka A-Isaka ni A-Ashe, A-Manase kali ni Mbete-Shiane ni tuyihunda twako, ni Ibliame ni tuyihunda twako, ni akwa Ndole ni tuyihunda twako, ni akwa Endore ni tuyihunda twako, ni akwa Tanaka ni tuyihunda twako, ni akwa Megidu hi tuyihunda twako, ni ye milundu yitatu.

Mukanda Wa Zambi 1970

¹¹ Hakachi ka yifuchi ya Isakare ni Ashere, Manase yabwa ni membo ja Bete Shane, ni Ibleame, hamwe ni yihunda yo ya kujingilika, ni Dore (ku mbumbulu ya kalunga lwiji), ni Endore, ni Tanake, ni Megido, hamwe ni yihunda yo.

Yoshua 17:11 Iomraidhean Croise

2 Samuel 21:12

David yaya, yatambula yifwaha ya Saulu ni yifwaha ya mwanenyi Jonatas kuli malunga a Njabeshe-Ngiliate, mumu o te hayiya mu tapalo lia Mbete-Shane kuze A-Filistea yaasukika ha tangwa lize A-Filistea ashihile Saulu mu Ngilboa.

1 Yitanga Ya Mianangana 9:15

Mwanangana Solomone waselele ungamba mumu ha kutunga zuwo lia Yehova, ni zuwo lienyi mwene, ni Milo, ni chipanga-cha-mawe cha Yerusaleme, ni Hazore, ni Megidu, ni Ngezere.

1 MIANANGANA 9:27

Muze Ahazia mwanangana wa Yunda hamona chino yachinyina jila ya Mbete-Hagana. Jehu yamuhanga nikutambika ngwenyi, Neye mushihilenu mwe mu temba. Yamwasa ha kukandukila ku Nguru hakamwihi ni Ibliame. Aye yachinyina ku Megidu, yafwilako.

1 Sango Ja Mianangana 6:70

Kuli waze asalile a ku yisemuko ya A-Kohate ahanyine ku chihanda cha ha muchima cha munyachi wa Manase Anere ni ulilo wako, ni Mbileame ni ulilo wako.

1 Sango Ja Mianangana 7:29

ni ku njiza ya A-Manase, Mbete-Shiane ni yihunda yako, ni Tanaka ni yihunda yako, Megidu ni yihunda yako, ni Ndole ni yihunda yako. Mu yino atwamine A-José mwana Izalele.

2 Sango Ja Mianangana 35:22

Hindu Josia kasolo kukatuka kuli iye. Yalihipula akase nenyi jita. Kapanjikile ku maliji a Neko ku kanwa lia Zambi; yeza ku jita mu chikulo cha Megidu.

Miaso (Masamu) 83:10

Anongene ku Endore. Alumukine ngwe wilo wa kusa ha mavu.

Jeremia 49:2

Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Zakaria 12:11

Ha tangwa lize kulishimwoka mu Yerusaleme muchikapwa chinene ngwe kulishimwoka hali Hadade-Rimone ha chana cha Megidu.

Yoshua 11:2

Yatuma nawa kuli mianangana a ku milundu ku Norte, ni ku Arapa sali lia ku Sule lia Chinerote, ni mu yikulo, ni ku Nafo-Ndole ku Chitokelo,

Yoshua 12:21

ni mwanangana wa Tanaka, umuwika, ni mwanangana wa Megidu, umuwika,

Yoshua 12:23

ni mwanangana wa Ndole mu Nafo-Ndole, umuwika, ni mwanangana wa Ngoyime mu Ngilingali, umuwika,

Yoshua 16:9

hamwe ni membo aze aaselele A-Eframe mu chihinga cha A-Manase; membo aze eswe ni tuyihunda two.

Yoshua 17:10

Chifuchi cha ku Sule chapwa cha A-Eframe, cha ku Norte chapwa cha A-Manase. Kalunga-lwiji wapwa njiza, mba ku Norte kwatwama Ashe; ku Chivumbuko kwatwama Isaka.

Yoshua 17:16

Munyachi wa José yamba ngwo, Chifuchi cha ku mulundu chatukeha, hindu A-Kanana eswe aze atwama mu chana kali ni matemba-a-jita a utale, ni waze a ku Mbete-Shiane ni tuyihunda two ni waze a mu chikulo cha Yezerele.

Akwa Kuyula 1:27

A-Manase kahumine akwa Mbete-Shiane ni tuyihunda twako, chipwe Tanaka ni tuyihunda twako, chipwe akwa Ndole ni tuyihunda twako, chipwe akwa Ibliame ni tuyihunda twako, chipwe akwa Megidu ni tuyihunda twako, alioze A-Kanana atwamine mu chifuchi chize ni pami jo.

Akwa Kuyula 5:19

Mianangana ejile. Ashile jita. Henaho ashile jita e mianangana a Kanana ku Tanaka ku njiji ja Megidu alioze upite wa prata kautambwile.

1 Samuel 28:7

Kashika Saulu yamba kuli ngamba jenyi ngwenyi, Ngufupilenu umwe pwo mukwa mahamba hanga ngukaye kuli iye ngumuhule. Ngamba jenyi yamba kuli iye ngwo, Kwali umwe mukwa mahamba ku Endore.

1 Samuel 31:10

Yasa mazalo jenyi mu tembele ya Asatarote. Yahachila mujimba wenyi ha chipanga cha Mbete-Shane.

1 Samuel 31:12

malunga eswe akwa tachi yakatuka; yenda ufuku weswe; yachiza mujimba wa Saulu ni mijimba ya anenyi a malunga ku chipanga cha Mbete-Shane. Yeza ku Njabeshe; kwenako ayochelele.