Yoshua 17:1 - MUKANDA USANDU WA ZAMBI 1975

¹ Henaho atetele chihinga cha mu chela ku munyachi wa A-Manase, se iye kapula-jimo wa José. Kuli Makire, iye kapula-jimo wa Manase, tato ya Ngiliate ahanyine Ngiliate ni Mbashane, mumu iye kajita.

Mukanda Wa Zambi 1970

¹ Chihanda cha chifuchi cha ku chitokelo cha Yordau yaachihana ku majiko ja Manase, mwana mutangu wa Josefe. Makire, tato ya Gileade, te mwe mwana mutangu wa Manase, yabwa kajita wa tachi, kashika yaamwaha Gileade ni Bashane ku chivumbuko cha Yordau.

Yoshua 17:1 Iomraidhean Croise

Ubutukilo 41:51

Yaluka jina mukulwana ngwenyi, Manase, mumu Zambi hananguvulamisa kuhondangana chami cheswe, ni akwa zuwo lia tata.

Ubutukilo 41:52

Jina lia mukwo wamuchiali ngwenyi, Eframe, mumu Zambi hangwaha ana mu chifuchi cha lamba liami.

Ubutukilo 46:20

Mu chifuchi cha Engitu José wasemene Manase ni Eframe kuli Asenate mwana wa Potifera sasendote wa One.

Ubutukilo 48:17

Muze José hamona ngwe tato masa kwoko lienyi lia chindume hali Eframe chamupihila. Kashika yakwata kwoko lia tato alichize ha mutwe wa Eframe alise ha mutwe wa Manase.

Ubutukilo 48:18

José yamba ngwenyi, Hi chocho ko tata, kapula-jimo yono, sako kwoko lie lia chindume ha mutwe wenyi.

Ubutukilo 50:23

José yamona ana ja Eframe ndo ku chisemuko chamuchitatu. Ni e ana ja Makire mwana wa Manase asemukine mu kondo ya José.

2 Samuel 2:9

yamupwisa mwanangana wa Ngiliate, ni A-Ashure, ni Yezerele, ni Eframe, ni Mbenjamine, ni A-Izalele eswe.

1 Sango Ja Mianangana 2:23

Ngeshure ni Arame yatambula kuli ayo membo a Njaire hamwe ni Kenate ni yihunda yako, te makumi asambano. Wano eswe ana ja malunga a Makire tato ya Ngiliate.

Ezekiel 47:13

Mwene Yehova kanambe ngwenyi, Jino je njiza munuhandununa najo che chifuchi ha yihinga hakachi ka kumi lia minyachi ni minyachi yiali ya Izalele. José akapwe ni yihanda yiali.

Ezekiel 48:4

Kulikaula ni chifuchi cha Napatali, chize ku Chivumbuko ndo ku Chitokelo, chihanda chimuwika, cha Manase.

Kwalula 26:29

Ana a malunga a Manase: a kuli Makire, akwa munyachi wa A-Makire. Makire yasema Ngiliate. A kuli Ngiliate, akwa munyachi wa A-Ngiliate.

Kwalula 27:1

Hohene kwakundamine ana a mapwo a Zelofehade, mwana wa Hefere, mwana wa Ngiliate, mwana wa Makire, mwana wa Manase, a kuli akwa minyachi ya Manase, mwana wa José. Majina ja ana jenyi a mapwo ano, Mala, ni Noe, ni Hogala, ni Milika, ni Tiriza.

Kwalula 32:33

Mose yahana kuli ayo, te kuli A-Ngate, ni kuli A-Rupene, ni ku chihanda cha ha muchima cha munyachi wa Manase, mwana José, wanangana wa Sahone, mwanangana wa A-Amore; ni wanangana wa Oge, mwanangana wa Mbashane, chifuchi ni membo jacho, hamwe ni njiza jacho, te membo a mu chifuchi cha kujingilika.

Shimbi 21:17

Alioze até mwe mutangu, mwana wa yoze iye anamuvwila kole ha kumwaha yihanda yiali ya yeswe ali nayo, mumu iye uputukilo wa ngolo jenyi, chiyulo cha mutangu nichenyi.

Yoshua 17:2

Atetele chifuchi kuli waze asala a ku munyachi wa A-Manase nikulita ni majimo jo, Abieza, ni Heleke, ni Asariele, ni Shekeme, ni Hefere, ni Shemida. E malunga asemukine ku munyachi wa Manase mwana wa José nikulita ni majimo jo.

Yoshua 22:7

Achi ku chihanda cha ha muchima cha munyachi wa A-Manase Mose te hahana chihinga mu Mbashane, alioze ku chihanda chikwo Yoshua hahana chihinga hamuwika ni akwo mu chifuchi cha mu sali lia Chitokelo lia Yordau. Mba muze Yoshua yaatuma ku mahio nikwawahisa,

Akwa Kuyula 5:14

Chize ku Eframe kwakatukile muji wa kulimika ni Amaleke Nikukukaula yena Mbenjamine ni usoko we. Ku Makire kwakatukile akapitau. Ku Zapulone kwakatukile waze ambata mulumbu wa chiyulo.