Yoshua 15:13 - MUKANDA USANDU WA ZAMBI 1975

¹³ Nikulita ni shimbi ya Yehova kuli Yoshua iye wahanyine kuli Kalemba mwana wa Yefune chihanda hakachi ka A-Yunda, te Kiriate-Arpa, jina likwo Heprone (Arpa iye tato ya Anake).

Mukanda Wa Zambi 1970

¹³ Nikulita ni chize Mwene Zambi alwezele Yoshua, Chihanda cha chifuchi cha Yuda yachihana kuli Kaleba mwana wa Jefune, wa ku vungu lia Yuda. Yatambula Hebrone, limbo lia Arba, tato ya Anake.

Yoshua 15:13 Iomraidhean Croise

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 23:2

Mba Sara wafwile mu Kiriate-Arpa (likwo ngwo, Heprone) mu chifuchi cha Kanana. Mba Apalahama yeza mukulinyenga mumu hali Sara, nikumulila.

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

1 Sango Ja Mianangana 6:56

Alioze minda ya limbo ni tuyihunda twalio te hahana kuli Kalemba, mwana Yefune.

2 Sango Ja Mianangana 11:10

ni Zora, ni Ajalone, ni Heprone mu Yunda ni mu Mbenjamine; yino yihunda ya yipanga-ya-mawe.

Kwalula 13:30

Kalemba yaholesa atu kumeso ja Mose ngwenyi, Tukandukenu haliapwila, tukachizuke; mumu tunahase kanawa kuchikumba.

Kwalula 13:6

Kalemba, mwana wa Yefune, wa ku munyachi wa Yunda;

Yoshua 11:21

Yoshua wejile mwaka uze wene nikujima A-Anake ku chifuchi cha milundu, ni ku Heprone, ni ku Ndebire, ni ku Anape, ni ku chifuchi cheswe cha Yunda ku milundu, ni ku chifuchi cheswe cha Izalele ku milundu. Yoshua waajimine jito hamwe ni yihunda yo.

Yoshua 20:7

Chocho ahandunwine Kendeshe mu Ngalileya mu chifuchi cha Napatali mu milundu, ni Shekeme mu chifuchi cha Eframe mu milundu, ni Kiriate-Arpa (ngwami Heprone) mu chifuchi cha Yunda mu milundu.

Yoshua 21:11

Aahele Kiriate-Arpa, Arpa te iye tato ya Anake (acho ngwetu, Heprone) mu chifuchi cha Yunda ku milundu hamwe ni ulilo wa kujingilika.

Akwa Kuyula 1:10

A-Yunda ayile mukulimika ni A-Kanana atwama mu Heprone (jina lia Heprone kushi liapwile Kiriate-Arpa). Akumbile Sheshai, ni Ahimane, ni Talamai.

Akwa Kuyula 1:20

Ahanyine Heprone kuli Kalemba nikulita ni liji lia Mose, mba iye wahumine e ana atatu a malunga a Anake.

1 Samuel 25:3

Jina lia mwe lunga Nabale. Jina lia mukwo-pwo Abigale. Pwo iye mukwa mana anji, chileza, alioze lunga mukwa kuvutuka, keshi vumbi, wa ku munyachi wa Kalemba.

1 Samuel 30:14

Twanehene jita ku Negeve ya A-Cherete, ni ya A-Yunda, ni ku Negeve ya Kalemba. Twochele Zikalage ni kahia.

1 Samuel 30:31

ni mu Heprone, te mu yifuchi yeswe kuze David ni malunga jenyi endanganyine.