Yoshua 14:9 - MUKANDA USANDU WA ZAMBI 1975

⁹ Mba Mose walishingile tangwa lize ngwenyi, Pundu, chifuchi cheswe hiwaliata kumuchikapwa chihinga cha mutolo kuli yena ni ana je, mumu hiwakaula Yehova Zambi yami ndusu mu yuma yeswe.

Mukanda Wa Zambi 1970

⁹ Kashika Mose yangulakenya ngwenyi: ‘Chamwenemwene chifuchi chize hiwaliata muchikabwa chihinga cha yena ni ana je ku miaka yeswe.’

Yoshua 14:9 Iomraidhean Croise

Miaso (Masamu) 37:9

Mumu akwa kutanga yipi kumakaapatula, alioze waze akutwaminyina Yehova kumakahinga chifuchi.

Kwalula 13:22

O yakandukila ku Negeve, yaheta ku Heprone. Kwapwileko A-Ahimane, ni A-Sheshai, ni A-Talamai, eswe A-Anake. (Heprone te liatungiwile miaka shimbiali shimbu kanda achitunga Zoane mu Engitu.)

Shimbi 1:36

shina Kalemba, mwana wa Yefune, iye makachimona. Mungukanwaha chifuchi iye waliachileho, ni kuli ana jenyi, mumu iye hanakaula liakulu Yehova.

Shimbi 11:24

Kuma kweswe munukaliata ni molu jenu kukapwe nikwenu, katuke ku puya ni ku Lebano, katuke ku lwiji, lwiji Ufrateze ndo ku kalunga-lwiji watwama ku Chitokelo kukapwe njiza yenu.

Yoshua 1:3

Kweswe munusa yiliato yenu hinanwahako, chizechene ngwe nalakenyene kuli Mose.

Yoshua 14:10

Kashika, talenu, Yehova hangufunga ni mwono chizechene ngwe ambile, makumi awana a miaka ni miako yitano, chize ku tangwa lize Yehova wambile liji lino kuli Mose, cheswe A-Izalele machenda mu puya. Haliapwila nguli ni makumi nake a miaka ni miaka yitano.

Akwa Kuyula 1:20

Ahanyine Heprone kuli Kalemba nikulita ni liji lia Mose, mba iye wahumine e ana atatu a malunga a Anake.