Yoshua 14:12 - MUKANDA USANDU WA ZAMBI 1975

¹² Kashika ngwehenu chifuchi chino cha milundu Yehova wambile tangwa lize, mumu wevwile ha tangwa lize ngwo, A-Anake atwamako mu yihunda yinene ya kukolesa. Hanji Yehova mapwa ni yami ngukaahume ngwe Yehova hanambe.

Mukanda Wa Zambi 1970

¹² Kashika haliabwila, ngwehenu chifuchi cha milundu chize Mwene Zambi angulakenyena, yami ni atu jami, ha tangwa lize twalumbunwine sango ja che chifuchi. Twanulwezele ngwetu, vungu lia atu asuku asuku waze te akuvuluka ngwo, Anake, atwama mu membo a kukoleka. Ngunanyongo Mwene Zambi mangukwasa ni kwatuhwisa mu chifuchi, nikulita ni liji lienyi.”

Yoshua 14:12 Iomraidhean Croise

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

2 Sango Ja Mianangana 14:11

Asa yalemba kuli Yehova Zambi yenyi ngwenyi, Yehova, kukushi chikwashi shina yena hakachi ka mukwa ndundo ni yoze keshi tachi. Tukwase kama, Yehova Zambi yetu, mumu hali yena tunajikijila ni mu jina lie hitwatuhuka kulimika ni mbunga yino. Yehova, uli Zambi yetu, kanda utayiza atu kukukumba.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Miaso (Masamu) 60:12

Ku tachi ja Zambi kumutulinga ni utunu, mumu iye maliata akwa kulimika ni yetu.

Kwalula 13:28

Hindu e atu atwama mu chifuchi yitakame, membo jacho akolo, anene chikolo. Chikwo nawa yitumonako A-Anake.

Kwalula 13:33

Momwene twamwene yindululu, A-Anake, ana a yindululu; twalimwene yetwene ngwe mapasu, ni chocho twapwile kumeso jo.

Kwalula 21:34

Yehova yamba kuli Mose ngwenyi, Kanda umuvwila woma, mumu hinamukunjika mu kwoko lie, ni atu jenyi eswe, ni chifuchi chenyi. Yena ulinge kuli iye chizechene ngwe walingile kuli Sahone, mwanangana wa A-Amore, yoze Watwamine ku Heshebone.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

Shimbi 1:28

Tukandukile kulihi nyi? Akwetu hanatushihi mbunge jetu ngwo, Atu jako anene, atolomoka kuhiana yetu. Membo anene, yipanga yo yaheta ku malilu. Chikwo nawa, yitumonako ana ja A-Anake a malunga.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Filipu 4:13

Kunahasa kulinga yuma yeswe muli yoze wakunguhashisa.

Hebreu 11:33

waze ku Ufulielo akanganyine mawanangana, alingile ululi, azukile yilakenyo, ajikile makanwa ja ndumba,

Yoshua 15:14

Kalemba wahumineko e ana atatu a Anake, majina jo, Sheshai, ni Ahimane, ni Talamai, o eswe munyachi wa Anake.

Akwa Kuyula 1:20

Ahanyine Heprone kuli Kalemba nikulita ni liji lia Mose, mba iye wahumine e ana atatu a malunga a Anake.

1 Samuel 14:6

Jonatas yamba kuli kambaji kenyi yoze wambachile yitwa yenyi ngwenyi, Tuye ku chilombo cha wano yilima. Hanji Yehova matukwasa mumu hi chikalu ko kuli Yehova kulamwina atu chipwe ni anji chipwe ni akehe.