Yoshua 13:6 - MUKANDA USANDU WA ZAMBI 1975

⁶ waze eswe atwama mu chifuchi cha milundu chize ku Lebano ndo ku Miserefote-maime, chipwe A-Sendone eswe, yami mwene mungwahuma kumeso ja A-Izalele; chino wika, ukatetele chifuchi hakachi ka A-Izalele chikapwe chihinga chizechene ngwe hinakwamba.

Mukanda Wa Zambi 1970

⁶ Chino chili chifuchi cheswe cha Asidone, waze te atwama ha mindundena hakachi ka milundu ya Libano ni Misrefote Maime. Mungukahuma mavungu wano eswe ku meso ja Aisraele. Yena chatamba kutetela Aisraele chihinga cho, ngwe chize ngunakakulweza.

Yoshua 13:6 Iomraidhean Croise

Miaso (Masamu) 80:8

Wachijile chinjinda cha uva ku Engitu. Wahumine mavungu ukachitumbe.

Kwalula 33:54

Nukahinge chifuchi nikulita ni chela, nikulita ni akwa minyachi yenu, kuli atu anji hikuhana chifuchi chinene, kuli akehe hikuhana chifuchi chikehe. Kweswako chela muchimwinyi kina mutu, chocho chikapwe nichenyi. Nikulita ni minyachi ya tulamba twenu nukatambule che chihinga.

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 11:12

Yihunda yeswe ya mianangana waze, Yoshua wayitambwile hamwe ni mianangana jo, nikushiha ni katana atu jamo eswe, nikwanongesa liakulu chizechene ngwe Mose kavumbi ka Yehova watumine.

Yoshua 11:8

Yehova yaakunjika mu moko ja A-Izalele. O yaalamba, yaahanga ndo ku Sendone munene ni Miserefote-maime, ni ku Chivumbuko ndo ku chikulo cha Mizepa. Yaashiha, kahichikile chipwe katotamukele.

Yoshua 13:7

Kashika ukatete chifuchi chino chikapwe chihinga kuli minyachi livwa ni chihanda cha ha muchima cha munyachi wa A-Manase.

Yoshua 23:13

nyingikenu kanawa ngwenu, Yehova Zambi yenu kechi kahuma wano mavungu kumeso jenu nawa alioze kumakapwa makambwila ni miheto kuli yenu. Kumakapwa shikote ha pachi jenu, ni mbimbo mu meso jenu ndo mununonga ha chifuchi chino chipema Yehova Zambi yenu hanwaha.

Yoshua 23:4

Haliapwila hinanusela mavungu aze asala akapwe chihinga cha minyachi yenu, hamuwika ni mavungu aze eswe hinasutula, chize ku Yordau ndo ku Kalunga-lwiji Munene uli ku Chitokelo.

Yoshua 23:5

Yehova Zambi yenu kumakaashinjika akachine kwe kumeso jenu, kumakaahanga kuze kunuchi kaamona, mba yenu kumunukazuka chifuchi cho ngwe Yehova Zambi yenu hanulakenya.