Yoshua 13:4 - MUKANDA USANDU WA ZAMBI 1975

⁴ Ku Sule chifuchi cheswe cha A-Kanana ni Miara cha A-Sendone, ni ku Afeke, ndo ku njiza ya A-Amore.

Mukanda Wa Zambi 1970

⁴ Te hikwasala chifuchi cheswe cha Akanana ni yivwenge ya Meare (te yili ya Asidone), ndoo ku limbo lia Afeke ku njiza ya Amore;

Yoshua 13:4 Iomraidhean Croise

1 Yitanga Ya Mianangana 20:26

Kashika ha kuputuka nawa mwaka Mbene-Hadade yakungulula A-Seria yeza ku Afeke akase jita ni A-Izalele.

1 Yitanga Ya Mianangana 20:30

Akwo yachinyina mwe mu chihunda cha Afeke mba chipanga-cha-mawe chanungukinyine hali makumi aali a tununu ni tununu shimbiali waze asalile. Kashika Mbene-Hadade yachina, yeza mu chihunda, mu chipatulo chimwe cha muchima.

Ezekiel 16:3

wambe ngwe, Mwene Yehova kanambe kuli Yerusaleme ngwenyi, Chikota che ni kusemuka che, ya ku chifuchi cha A-Kanana. Tatenu Ka-Amore, ni noko aye Ka-Hete.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 12:18

ni mwanangana wa Afeke, umuwika, ni mwanangana wa Lasharone, umuwika,

Yoshua 19:30

ni Uma, ni Afeke, ni Rehobo, makumi aali a membo ni membo aali hamwe ni tuyihunda two.

1 Samuel 4:1

Mba liji lia Samuel liejile kuli A-Izalele eswe. A-Izalele atuhukile mukwasa jita ni A-Filistea, yasa chilombo cho hakamwihi ni Ebenezere. A-Filistea yasa chilombo cho ku Afeke.