Yoshua 13:31 - MUKANDA USANDU WA ZAMBI 1975

³¹ ni chihanda cha ha muchima cha Ngiliate, ni Asatarote, ni Endreya, membo a mu chifuchi cha Oge mu Mbashane; yino ayihanyine kuli A-Makire mwana wa Manase, ha chihanda cha ha muchima cha A-Makire nikulita ni minyachi yo.

Mukanda Wa Zambi 1970

³¹ Yichilitanda ku Chihanda cha Gileade, ni ku membo ja Ashtarote ni Edrei, membo anene a mu wanangana wa Oge mu Bashane. Yize yeswe yayihana ku Chihanda cha vungu lia Makire, mwana wa Manase, nikulita ni majiko jo.

Yoshua 13:31 Iomraidhean Croise

1 Sango Ja Mianangana 6:71

Kuli A-Ngeshome aahele kuli akwa chihanda cha ha muchima cha munyachi wa Manase Ngolane mu Mbashane ni ulilo wako, ni Asatarote ni ulilo wako.

Miaso (Masamu) 60:7

Ngiliate niyami, ni Manase niwami, Eframe nawa mukwa kufunga mutwe wami. Yunda niwami, mukwa kuhana yiyulo.

Ezekiel 48:4

Kulikaula ni chifuchi cha Napatali, chize ku Chivumbuko ndo ku Chitokelo, chihanda chimuwika, cha Manase.

Yoshua 12:4

Ni Oge mwanangana wa Mbashane, umwe hakachi ka waze asalile a kuli A-Refane. Iye watwamine mu Asatarote ni ku Endreya.

Yoshua 13:12

Ni chifuchi cheswe cha Oge mu Mbashane yoze wayulile mu Asatarote ni mu Endreya (iye wika wasalile wa kuli A-Refane). Wano eswe te Mose haakumba, haahuma.

Yoshua 13:32

Yihinga yino Mose wayitetele mu yana ya Moape sali lize lia Yordau ku Chivumbuko cha Yeriku.

Yoshua 17:5

Chocho kuli Manase kwayile kumi lia yihanda helu lia yifuchi ya Ngiliate ni Mbashane yili mu sali lia Yordau.

Yoshua 17:6

Mumu ana a Manase a mapwo atambwile chihinga hamwe ni anenyi a malunga. Chifuchi cha Ngiliate achitetele kuli A-Manase aze asalile.

Yoshua 9:10

Ni yuma yize yeswe alingile kuli mianangana aali a A-Amore, Sahone mwanangana wa Heshebone ni Oge mwanangana wa Mbashane mu sali lia Yordau, atwama mu chifuchi cha Asatarote.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 5:17

A-Ngiliate asalile sali lize lia Yordau. Mba A-Ndane kuchi te asalile ku mato? A-Ashe atwamine chizechene ku mbaka ya kalunga-lwiji ni kuhwima ha zuzu jenyi.

1 Samuel 12:10

Yateta kuli Yehova nikwamba ngwo, Hitwavulumuna mumu ha kwehuka Yehova nikulingila Ambale ni Asatarote. Alioze utupulule kama haliapwila kuli akwa kole jetu mba mutukalingila.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.