Yoshua 13:3 - MUKANDA USANDU WA ZAMBI 1975

³ (Chize ku Shihore ku Chivumbuko cha Engitu ndo ku njiza ya Ekrone ku Norte cheswe, ngwo, cha A-Kanana. Mianangana atano a A-Filistea aliko; au wa Ngeza, au wa Ashedode, au wa Asekalone, au wa Ngate, au wa Ekrone) ni cha A-Avimi.

Mukanda Wa Zambi 1970

³ ni chifuchi cheswe cha Aavime mu sude. (Chifuchi cheswe chize ku lwiji Shihore, ku njiza ya Egiptu, ndoo ku njiza ya Ekrone ku norde kakuchalwila ku chifuchi cha Akanana; mianangana ja Afilistia te atwama mu membo ja Gaza, ni Ashdode, ni Ashkelone, ni Gate, ni Ekrone.)

Yoshua 13:3 Iomraidhean Croise

Ubutukilo 10:6

Ni ana ja Hame a malunga wano, Kushe, ni Mizerane, ni Pute, ni Kanana.

Ubutukilo 15:18

Ha tangwa lienalio Yehova yakolesa usendo ni Apalama ngwenyi, Chifuchi chino hinachihana ku munyachi we, chize ku lwiji wa Engitu ndo ku lwiji munene, mwe Ufrateze;

1 Yitanga Ya Mianangana 8:65

Chocho Solomone yafunga chiwanyino ha matangwa aze ni A-Izalele eswe hamwe nenyi, chikungulwila chinene chize ku kunjila mu Hamate ndo ku chitwetwe cha Engitu kumeso ja Yehova Zambi yetu, matangwa shimbiali ni matangwa shimbiali, ngwami, kumi lia matangwa ni matangwa awana.

1 Sango Ja Mianangana 13:5

Kashika David yakungulula A-Izalele eswe ku Shihore ya Engitu ndusu ndo ku kunjila ku Hamate, akachize mushete wa Zambi ku Kiriate-Yerimi.

Izaya 23:3

Nwafumbwile ni mbuto ya ku Shihore ya kucha ku Nilo. Nwapwile akwa kusepa ja mavungu.

Jeremia 2:18

Mba haliapwila chika unafumbuka ha kuya ku Engitu ukanwe meya a ku Nilo? Chika unafumbuka ha kuya ku Asuria ukanwe meya a ku Ufrateze?

Shimbi 2:23

A-Avimi atwamine mu yihunda ndo ku Ngeza, A-Kafetore yatuhuka ku Kafetore, yaakuwisa ni kwasalakana mu chifuchi cho.)

Yoshua 13:13

Hindu A-Izalele kahumine A-Ngeshure ni A-Makata, alioze Ngeshure ni Makata anatwama hakachi ka A-Izalele ndo musono.

Akwa Kuyula 16:5

Miata ja A-Filistea ejile kuli iye ngwo, Umulembejeke unyingike kuze kwatwama tachi jenyi jinene, ni chize mutuhasa kumukumba, tumukase nikumuhombwesa, mba mweswe wa kuli yetu mutukwaha kumi lia kulakaji ni kulakaji umuwika wa mbongo ja prata.

Akwa Kuyula 3:3

E mavungu te wano; miata atano ja A-Filistea, ni A-Kanana eswe, ni A-Sendone, ni A-Hevwe aze atwamine ku mulundu wa Lebano chize ku mulundu wa Mbale-Hermone ndo ku kunjila ku Hamate.

1 Samuel 5:1

A-Filistea anjile mushete wa Zambi ku Ebenezere yautwala ku Ashedode.

1 Samuel 5:10

Chocho atwalile mushete wa Zambi ku Ekrone. Mba muze mushete wa Zambi muuchiheta ku Ekrone akwa Ekrone akololokele ngwo, Hatunehena mushete wa Zambi ya Izalele, atushihe ni atu jetu.

1 Samuel 5:8

Kashika Ukungulwile miata eswe a A-Filistea kuli ayo ngwo, Chika mutulinga ni mushete wa mwe Zambi ya Izalele? O ngwo, Atwale mushete wa Zambi ya Izalele ku Ngata. Chocho atwalileko mushete wa Zambi ya Izalele.

1 Samuel 6:4

Mba yamba ngwo, Mulambu wa uhie uka mutumutuma? O yakumbulula ngwo, Yivunda ya oru yitano ni tumbi a oru atano nikulita ni kwalula cha miata ja A-Filistea mumu musongo umuwika wapwile hali yenu eswe ni hali miata jenu.