Yoshua 13:27 - MUKANDA USANDU WA ZAMBI 1975

²⁷ ni mu chikulo cha Mbete-Arame, ni Mbete-Nimera, ni Sukote ni Zafone, chize cheswe chasalile cha ku chifuchi cha Sahone mwanangana wa Heshebone, Chikwete Yordau njiza yacho ndo ku mwanda wa Chitende cha Chinerote, ku Chivumbuko sali lize lia Yordau.

Mukanda Wa Zambi 1970

²⁷ Ni mu chikulo cha Yordau membo ja Bete Harame, ni Betnimra, ni Sukote, ni Safona, te a ku Chihanda cha chifuchi cha mwanangana Sihone wa ku Heshbone. Lwiji Yordau te njiza ya ku chitokelo cha vungu lia Gade ndoo ku chitende cha Galilea ku norde.

Yoshua 13:27 Iomraidhean Croise

Ubutukilo 33:17

Yakomba wendele ndo ku Sukote. Yatungilako zuwo, ni matanga hali yimuna jenyi. Kashika yalukako jina ngwenyi, Sukote.

1 Yitanga Ya Mianangana 7:46

Ha chikulo cha Yordau mwanangana yayizuzulula haze hatwama uma hakachi ka Sukote ni Zaretane.

Miaso (Masamu) 60:6

Zambi hanahanjika ni usandu wenyi, kashika mungulikwiza. Mungupula Shekeme. Munguzonga chikulo cha Sukote.

Kwalula 32:3

Atarote, ni Ndibone, ni Yazere, ni Nimera, ni Heshebone, ni Eleale, ni Shebame, ni Nebo, ni Mbeone,

Kwalula 32:36

ni Mbete-Nimera, ni Mbete-Harane, membo akwete yipanga, ni malimba a yimuna.

Kwalula 34:11

Njiza yikapalumuke chize ku Sefa ndo ku Ribila, ku sali lia Chivumbuko lia Ayine. Njiza yikapalumuke, yikahete ku ngenge ya Chitende cha Chinerote ku Chivumbuko.

Luka 5:1

Shimbu mbunga amushinjikile mukwivwa liji lia Zambi, wamanyine ku sesa lia Chitende cha Ngenezare;

Shimbi 3:17

Ni Arapa nawa ni Yordau ni njiza yacho, katuke ku Chinerote ndo ku kalunga-lwiji wa Arapa, Chitende cha Mungwa, ku mwanda wa Pisiga ni kutala ku Chivumbuko.

Yoshua 11:2

Yatuma nawa kuli mianangana a ku milundu ku Norte, ni ku Arapa sali lia ku Sule lia Chinerote, ni mu yikulo, ni ku Nafo-Ndole ku Chitokelo,

Yoshua 12:3

ni Arapa ndo ku Chitende cha Chinerote ku Chivumbuko, kwa kuya ku Mbete-Jeshimote, ku Chitende cha Arapa, che Chitende cha Mungwa, kwa kutalikisa ku Sule ndo ku ukandukilo wa mulundu wa Pisiga.

Yoshua 13:26

chize ku Heshebone ndo ku Ramate-Mizepa ni Mbetonime. Chize ku Mahaneme ndo ku chifuchi cha Ndebire,

Yoshua 13:28

Chino che chihinga cha A-Ngate nikulita ni minyachi yo, ni membo jo, ni yihunda yo.