Yoshua 13:25 - MUKANDA USANDU WA ZAMBI 1975

²⁵ Chifuchi cho chapwile Yazere ni yihunda yeswe ya Ngiliate, ni chihanda cha ha muchima cha chifuchi cha A-Amone ndo ku Aroere chili ku Chivumbuko cha Raba,

Mukanda Wa Zambi 1970

²⁵ Chifuchi cho te chikwete limbo lia Jazere ni membo eswe a mu chifuchi cha Gileade, ni Chihanda cha chifuchi cha Aamone ndoo ku limbo lia Aroere, chize chili ku chivumbuko cha limbo lia Raba.

Yoshua 13:25 Iomraidhean Croise

2 Samuel 11:1

Mba ha kupalika cha mwaka, ha kakweji wa kuya mianangana ku jita David yatuma Joabe hamuwika ni atu jenyi ni A-Izalele eswe. Yonwona A-Amone mba yaseleka Raba. Alioze David wanamine ku Yerusaleme.

2 Samuel 12:26

Joabe washile jita ni Raba wa A-Amone. Watambwile limbo lia mwanangana.

2 Samuel 24:5

Yazauka Yordau nikusa mbalaka jo ku Aroere sali lia chindume lia chihunda chili hakachi ka chikulo cha Ngate, ni ndo ku Yazere.

1 Sango Ja Mianangana 26:31

Kuli A-Heprone Jeria wapwile mukwa lutwe hali A-Heprone nikulita ni yisemuko yo kuli atato. Ha mwaka makumi awana wa kuyula cha David yaafupa mba yaawana hakachi ka akwa ndundo ni hamu ku Yazere ya Ngiliate.

1 Sango Ja Mianangana 6:81

ni Heshebone ni ulilo wako, ni Yazere ni ulilo wako.

Izaya 16:8

Mumu minda ya Heshebone yinalele, hamwe ni mutondo wa uva wa Sibima; alemu ja mavungu hasemba mitango yawo, yize yatanjile ndo ku Yazere nikuheta kwe ku puya; mitango yawo yatanjile kusuku nikuzauka kalunga-lwiji.

Izaya 17:2

Yihunda yenyi mayichina ndo ku miaka yeswe; kumuyipwa wendelo wa yimuna waze mautaminako, mba niumwe maavwisa woma.

Jeremia 48:32

Ena mutondo wa uva wa Sibima, ngunakulilila kuhiana Yazere. Mitango ye yahianyine kalunga-lwiji ni kuheta ndo ku Yazere. Mwe chonwonyi hapunda mihuko ye ya lwiza ni vinyu ye.

Ezekiel 21:20

Funjika jila ya kwiza katana ku Raba ya A-Amone, ni ku Yunda, ni ku Yerusaleme, chihunda cha kukolesa.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Kwalula 21:32

Mose yatuma atu akasembule chifuchi cha Yazere. O yalwa yihunda yacho. Yahuma A-Amore apwileko.

Kwalula 32:35

ni Atarote-Sofa, ni Yazere, ni Jogabeha,

Shimbi 2:19

Ha kuheta hatalanganyi ni ana ja Amone kanda nwapinjisa, chipwe kulimika no, ka; mumu chichi kunwaha chifuchi cha A-Amone nuchizuke, mumu té hingunachihana chihinga kuli ana ja Lote.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

Yoshua 13:11

Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.

Yoshua 13:24

Mose wahanyine chihinga nawa ku munyachi wa A-Ngate nikulita ni majimo jo.

Yoshua 13:26

chize ku Heshebone ndo ku Ramate-Mizepa ni Mbetonime. Chize ku Mahaneme ndo ku chifuchi cha Ndebire,

Yoshua 21:39

ni Heshebone ni ulilo wako, ni Yazere ni ulilo wako; yeswe yapwa yihunda yiwana.

Akwa Kuyula 5:17

A-Ngiliate asalile sali lize lia Yordau. Mba A-Ndane kuchi te asalile ku mato? A-Ashe atwamine chizechene ku mbaka ya kalunga-lwiji ni kuhwima ha zuzu jenyi.