Yoshua 13:2 - MUKANDA USANDU WA ZAMBI 1975

² Chifuchi chasala chino, yihanda yeswe ya A-Filistea, ni yeswe ya A-Ngeshure.

Mukanda Wa Zambi 1970

² Chifuchi cheswe cha Afilistia ni cha Ageshure,

Yoshua 13:2 Iomraidhean Croise

Ubutukilo 10:14

Ni Perushimi, ni Kaluhime, (kwenako kwakatukile A-Filistea) ni Kafetore.

Ubutukilo 26:1

Kwapwile kapunga mu chifuchi helu lia kapunga yoze mutangu wa mu matangwa a Apalahama. Kashika Izake wayile kuli Apimeleke mwanangana wa A-Filistea mu Ngerare.

2 Samuel 15:8

Mumu yami kavumbi kenu nalakenyene chilakenyo shimbu te ngunatwama mu Ngeshure mu Seria ngwami, Nyi Yehova manguhetesa nawa ku Yerusaleme chamwenemwene mba mungulingila Yehova.

2 Samuel 3:3

Wamuchiali Chiliabe, mwana wa Abigale, wapwile pwo lia Nabale wa ku Karmela. Wamuchitatu Absalome, mwana wa Maka, iye mwana wa Talamai, mwanangana wa Ngeshure.

Joele 3:4

Enu, Teru ni Sendone ni yifuchi yeswe ya Filistea, kuchi nwapwa kuli yami? Nunangukundulula chimwe chuma, nyi? Nyi munungukundulula chimwe chuma, ni yami fuji-fuji munguchihilwisa ha mitwe yenu.

Zefania 2:5

Lamba kuli yenu nwatwama ku mbaka, enu akwa vungu lia A-Cherete! Liji lia Yehova Malimika ni yenu, enu A-Kanana, chifuchi cha A-Filistea. Mungukanwonwona ndo niumwe mwenyembo kechi kasalako.

Shimbi 3:14

Njaire, mwana wa Manase, yalwa chifuchi cheswe cha Argobe ndo ku njiza ya A-Ngeshure ni ya A-Makata. Yaluka Mbashane jina lienyi ngwenyi, Havote-Njaire ndo ku tangwa lino.

Yoshua 12:5

Wayulile ha mulundu wa Hermone, ni Saleka, ni Mbashane kweswe ndo ku njiza ya A-Ngeshure ni A-Makata, ni chihanda cha ha muchima cha Ngiliate ndo ku njiza ya Sahone mwanangana wa Heshebone.

Yoshua 13:11

Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.

Yoshua 13:13

Hindu A-Izalele kahumine A-Ngeshure ni A-Makata, alioze Ngeshure ni Makata anatwama hakachi ka A-Izalele ndo musono.

Akwa Kuyula 3:1

Wano mavungu Yehova kaachijile akeseke no A-Izalele, te A-Izalele aze kanda achimona jita niyimwe mu Kanana.

1 Samuel 27:8

David ni malunga jenyi ayile nikupupa A-Ngeshure, ni A-Ngezere, ni A-Amaleke, mumu katu ku shakulu e akwa chifuchi wano, ndo ku Shure ku chifuchi cha Engitu.