Yoshua 13:14 - MUKANDA USANDU WA ZAMBI 1975

¹⁴ Ku munyachi wa Levi wika Mose kahanyine chihinga nichimwe. Milambu ya kahia kuli Yehova Zambi ya Izalele yapwa chihinga cho ngwe Zambi wamwambile.

Mukanda Wa Zambi 1970

¹⁴ Mose, vungu lia Alevi kaahele ko chifuchi, ngwe chize amulwezele kuli Mwene Zambi. Chihinga cho te Chihanda cha milambu yize ayo akwochela Mwene Zambi, Zambi ya Aisraele.

Yoshua 13:14 Iomraidhean Croise

Ezekiel 44:28

O kechi kapwa ni chihinga mumu yami nguli chihinga cho. Kunuchi kwaaha yikumba mu Izalele mumu yami nguli yikumba yo.

Ezekiel 44:29

Makalia milambu ya wunga, ni milambu ha shili, ni milambu ha uhie, ni yuma yeswe ya kutumbikila mu Izalele muyikapwa niyo.

Shimbi 10:9

Kashika A-Levi keshi chihanda chipwe chihinga hamwe ni akwo. Chihinga cho, Yehova, nikulita ngwe ambile kuli iye Yehova Zambi yenu.)

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:19

Nukanyame ngwami, Kanda nwehuka A-Levi miaka yeswe munutwama mu chifuchi chenu.

Yoshua 13:13

Hindu A-Izalele kahumine A-Ngeshure ni A-Makata, alioze Ngeshure ni Makata anatwama hakachi ka A-Izalele ndo musono.

Yoshua 13:15

Mose wahanyine chihinga ku munyachi wa A-Rupene nikulita ni majimo jo.

Yoshua 13:33

Alioze ku munyachi wa Levi Mose kahanyine chihinga nichimwe. Yehova Zambi ya Izalele iye chihinga cho chocho hanambe kuli ayo.

Yoshua 18:7

A-Levi keshi ni chihinga hakachi kenu mumu usasendote wa Yehova wapwa chihinga cho. A-Ngate, ni A-Rupene, ni chihanda cha ha muchima cha munyachi wa A-Manase hanatambula chihinga cho mu sali lia Yordau ku Chivumbuko, kuze Mose mwe kavumbi ka Yehova waahelecho.