Yoshua 13:11 - MUKANDA USANDU WA ZAMBI 1975

¹¹ Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.

Mukanda Wa Zambi 1970

¹¹ Yichilitanda mu chifuchi cha Gileade, ni ya Geshure ni Maka, ni mulundu weswe wa Hermone, ni chifuchi cheswe cha Bashane ndoo ku Saleka.

Yoshua 13:11 Iomraidhean Croise

Ubutukilo 37:25

Yatwama nikulia mba ha kuhetula meso jo yamona chendo cha A-Ishemali anakatuka ku Ngiliate ni tumelu two. Kanambata mbuto yipema, ni yitumbo, ni mira. Kanatalikisa ku Engitu.

1 Sango Ja Mianangana 2:23

Ngeshure ni Arame yatambula kuli ayo membo a Njaire hamwe ni Kenate ni yihunda yako, te makumi asambano. Wano eswe ana ja malunga a Makire tato ya Ngiliate.

1 Sango Ja Mianangana 5:11

Mba A-Ngate atwamine hatalanganyi no mu chifuchi cha Mbashane ndo ku Saleka.

Kwalula 32:29

Mose yamba kuli ayo ngwenyi, Kachi A-Ngate ni A-Rupene makazauka Yordau hamwe ni yenu, malunga eswe, mutu ni mutu wa kulipakata ku jita, kumeso ja Yehova, kachi makazeyesa chifuchi kumeso jenu, henaho nukaahe chifuchi cha Ngiliate chikapwe nicho.

Shimbi 3:10

Membo eswe a mu chana, ni kweswe ku Ngiliate ni kweswe ku Mbashane ndo ku Saleka, ni ku Endreya, membo a mu wanangana wa Oge mu Mbashane.

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 13:10

Ni yihunda yeswe ya Sahone mwanangana wa A-Amore yoze watwamine mu Heshebone, nikuyula ndo ku njiza ya A-Amone.

Yoshua 13:2

Chifuchi chasala chino, yihanda yeswe ya A-Filistea, ni yeswe ya A-Ngeshure.

Yoshua 13:25

Chifuchi cho chapwile Yazere ni yihunda yeswe ya Ngiliate, ni chihanda cha ha muchima cha chifuchi cha A-Amone ndo ku Aroere chili ku Chivumbuko cha Raba,

Yoshua 17:5

Chocho kuli Manase kwayile kumi lia yihanda helu lia yifuchi ya Ngiliate ni Mbashane yili mu sali lia Yordau.

1 Samuel 13:7

Amwe A-Izalele te hazauka Yordau ku chifuchi cha Ngate ni Ngiliate, alioze Saulu iye hindu kanatwama ku Ngilingali mba atu eswe amukawile nikuchikima.