Yoshua 12:8 - MUKANDA USANDU WA ZAMBI 1975

⁸ mu chifuchi cha milundu, ni mu chifuchi cha ku mwanda, mu Arapa, ha mindundena, mu puya, mu Negeve, ni chifuchi cha A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe.)

Mukanda Wa Zambi 1970

⁸ Te chifuchi cha milundu ni cha mindundena ku chitokelo, ni chikulo cha Yordau ni milundu yacho ni chifuchi cha ku mwanda ku chivumbuko ni chifuchi cha yana ku sude. Chino chabwile chifuchi cha Ahite, ni Aamore, ni Akanana, ni Aperize, ni Ahive, ni Ajebuse.

Yoshua 12:8 Iomraidhean Croise

Ubutukilo 10:17

ni A-Hevwe, ni A-Aki, ni A-Sini,

Ubutukilo 12:9

Chocho Apalama yenda nikutalikisa hindu ku Negeve.

Ubutukilo 13:7

Kwapwile kulitachika hakachi ka akwa kufunga yimuna ja Apalama ni akwa kufunga yimuna ja Lote. A-Kanana ni A-Perize achili mu chifuchi.

Kutuhuka 23:23

Mumu mungelo wami kumakakutetekela, kumakakuhetesa ndo kuli A-Amore, ni kuli A-Hete, ni kuli A-Perize, ni kuli A-Kanana, ni kuli A-Hevwe, ni kuli A-Yepushe. Yami kumungukaateta.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 11:16

Chocho Yoshua watambwile chifuchi chize cheswe, chifuchi cha milundu ni kweswe ku Negeve, ni chifuchi cheswe cha Ngoshone, ni chifuchi cha chikulo, ni Arapa, ni chifuchi cha Izalele cha milundu ni cha yikulo,

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino

Akwa Kuyula 1:9

Mba kulutwe malunga A-Yunda apalumukine mukwasa jita ni A-Kanana aze atwama mu chifuchi cha milundu mu Negeve, ni ku yana.