Yoshua 12:7 - MUKANDA USANDU WA ZAMBI 1975

⁷ Mba mianangana a chifuchi, waze Yoshua ni A-Izalele akumbile sali lia Yordau ku Chitokelo, chize ku Mbale-Ngate mu chikulo cha Lebano ndo ku mulundu wa Halaka uze wakandukila ku Sere. (Chifuchi chize Yoshua wachihanyine kuli akwa minyachi ya Izalele chikapwe chihinga, nikulita ni chize aatetelele chifuchi,

Mukanda Wa Zambi 1970

⁷ Yoshua ni Aisraele yaakumba mianangana eswe a ku chitokelo cha Yordau, chize ku limbo lia Balgade ku chikulo cha Libano ndoo ku mulundu wa Halake ku sude hehi ni chifuchi cha Edome. Yoshua yatetela e mavungu ja Aisraele che chifuchi, yaahacho chibwe nicho ku miaka yeswe.

Yoshua 12:7 Iomraidhean Croise

Ubutukilo 14:6

Ni A-Hore mu mulundu wo wa Sere ndo ku Eleparane hakamwihi ni puya.

Ubutukilo 32:3

Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome.

Ubutukilo 36:20

Ana a malunga a Sere mwe Ka-Hore, e enya chifuchi, wano; Lotane, ni Shopale, ni Zepeone, ni Hana,

Ubutukilo 36:30

ni mwata Ndishone, ni mwata Ezere, ni mwata Ndishane. Wano e miata ja A-Hore nikulita ni minyachi yo mu chifuchi cha Sere.

Ubutukilo 36:8

Esau Watwamine ku mulundu wa Sere. Esau iye Endome.

Miaso (Masamu) 135:11

Sahone mwanangana wa A-Amore, ni Oge mwanangana wa Mbashane, ni yifuchi yeswe ya mianangana a Kanana.

Shimbi 2:1

Henaho yitutewuluka, yituya wenyi wetu mu puya ya jila ya kuya ku Kalunga-lwiji Muchila, ngwe Yehova ambile kuli yami, Yitujinguluka mulundu wa Sere matangwa anji.

Shimbi 2:4

Ambila atu ngwe, Munupalika ku njiza ya akwenu, ana ja Esau akutwama mu Sere, o kumanuvwila woma. Kashika nukanyame chikolo.

Yoshua 11:17

chize ku mulundu wa Halaka unakatuka ku Sere ndo ku Mbale-Ngate mu chikulo cha Lebano ku mwanda wa mulundu wa Hermone. Wakwachile mianangana jo eswe nikwalamba nikwashiha.

Yoshua 11:23

Chocho Yoshua watambwile Chifuchi cheswe nikulita ni liji lieswe Yehova wambile kuli Mose. Yoshua wachihanyine kuli A-Izalele chihinga nikulita ni minyachi yo, munyachi ni chihanda chawo, munyachi ni chihanda chawo. Mba chifuchi chahwimine ku jita.

Yoshua 3:17

Shimbu te A-Izalele eswe anapalika ha mavu omu, asasendote akwa kumbata mushete wa usendo wa Yehova amanyine ha mavu omu hakachi ka Yordau ndo vungu lieswe hiliahwa kuzauka Yordau.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino