Yoshua 12:6 - MUKANDA USANDU WA ZAMBI 1975

⁶ Mose kavumbi ka Yehova ni A-Izalele akumbile wano, mba Mose kavumbi ka Yehova wahanyine chifuchi cho chikapwe chihinga kuli A-Rupene, ni A-Ngate, ni chihanda cha ha muchima cha munyachi wa A-Manase.

Mukanda Wa Zambi 1970

⁶ Mose ni Aisraele yaakumba mianangana wano aali. Mose kavumbi ka Mwene Zambi, yahana chifuchi cho ku mavungu ja Rubene ni Gade ni mbunga yimuwika ya Manase.

Yoshua 12:6 Iomraidhean Croise

1 Yitanga Ya Mianangana 4:19

Gebere mwana Uri mu Ngiliate mu chifuchi cha Sahone mwanangana wa A-Amore ni cha Oge mwanangana wa Mbashane. Kukushi kapita mukwo mu chifuchi chize.

Kwalula 32:29

Mose yamba kuli ayo ngwenyi, Kachi A-Ngate ni A-Rupene makazauka Yordau hamwe ni yenu, malunga eswe, mutu ni mutu wa kulipakata ku jita, kumeso ja Yehova, kachi makazeyesa chifuchi kumeso jenu, henaho nukaahe chifuchi cha Ngiliate chikapwe nicho.

Kwalula 32:32

Mutukazauka a kulipakata kumeso ja Yehova ni kunjila mu chifuchi cha Kanana, alioze chifuchi cha chihinga chetu muno mu sali lia Yordau hindu nichetu.

Kwalula 32:33

Mose yahana kuli ayo, te kuli A-Ngate, ni kuli A-Rupene, ni ku chihanda cha ha muchima cha munyachi wa Manase, mwana José, wanangana wa Sahone, mwanangana wa A-Amore; ni wanangana wa Oge, mwanangana wa Mbashane, chifuchi ni membo jacho, hamwe ni njiza jacho, te membo a mu chifuchi cha kujingilika.

Yoshua 14:3

Mumu Mose te hanahana chihinga kuli akwa minyachi yiali ni chihanda cha ha muchima cha munyachi, sali lize lia Yordau. Alioze kuli A-Levi kaahele nichimwe chihinga hakachi ko.

Yoshua 18:7

A-Levi keshi ni chihinga hakachi kenu mumu usasendote wa Yehova wapwa chihinga cho. A-Ngate, ni A-Rupene, ni chihanda cha ha muchima cha munyachi wa A-Manase hanatambula chihinga cho mu sali lia Yordau ku Chivumbuko, kuze Mose mwe kavumbi ka Yehova waahelecho.

Yoshua 22:4

Mba haliapwila Yehova Zambi yenu hahana uhwimino kuli akwenu chizechene ngwe walilakenyene no. Kashika tewulukenu nukaye ku mahienu ku chifuchi kuze kwatwama chihinga chenu, chize Mose kavumbi ka Yehova wanuhele sali lize lia Yordau.