Yoshua 12:5 - MUKANDA USANDU WA ZAMBI 1975

⁵ Wayulile ha mulundu wa Hermone, ni Saleka, ni Mbashane kweswe ndo ku njiza ya A-Ngeshure ni A-Makata, ni chihanda cha ha muchima cha Ngiliate ndo ku njiza ya Sahone mwanangana wa Heshebone.

Mukanda Wa Zambi 1970

⁵ Mu wanangana wenyi mwabwile mulundu wa Hermone, ni limbo lia Saleka ni chifuchi cheswe cha Bashane ndoo ku njiza ya Geshure ni Maka, ni Chihanda cha Gileade ndoo ku njiza ya chifuchi cha mwanangana Sihone wa Heshbone.

Yoshua 12:5 Iomraidhean Croise

2 Samuel 13:37

Alioze Absalome yachina, yaya ku Talamai mwana wa Amihude, mwanangana wa Ngeshure. David aye yalishimwoka hali mwanenyi tangwa ha tangwa.

2 Samuel 15:8

Mumu yami kavumbi kenu nalakenyene chilakenyo shimbu te ngunatwama mu Ngeshure mu Seria ngwami, Nyi Yehova manguhetesa nawa ku Yerusaleme chamwenemwene mba mungulingila Yehova.

2 Samuel 23:34

ni Elifelete mwana Ashebai mwana wa Ka-Makata; ni Eliame mwana Ahitofele Ka-Ngilo;

2 Samuel 3:3

Wamuchiali Chiliabe, mwana wa Abigale, wapwile pwo lia Nabale wa ku Karmela. Wamuchitatu Absalome, mwana wa Maka, iye mwana wa Talamai, mwanangana wa Ngeshure.

1 MIANANGANA 25:23

Muze tupitau twa tujita ni atu jo hevwa ngwo, Mwanangana wa Babilonia hasela Gedalia kuyula, yeza kuli Gedalia ku Mizepa; Ishemali mwana Netania, ni Johanane mwana Karea, ni Seraia mwana Tanumete Ka-Netofate, ni Jazania mwana wa mwe Ka-Maka, o eswe ni atu jo.

1 Sango Ja Mianangana 5:11

Mba A-Ngate atwamine hatalanganyi no mu chifuchi cha Mbashane ndo ku Saleka.

Jeremia 40:8

o yaya kuli Gedalia ku Mizepa—Ishemali mwana Netania, Johanane ni Jonatas ana ja Karea, ni Seraia mwana Tanumete, ni ana ja Efaia Ka-Netofate, ni Jezania mwana wa mwe mukwa Maka—o ni atu jo.

Shimbi 3:14

Njaire, mwana wa Manase, yalwa chifuchi cheswe cha Argobe ndo ku njiza ya A-Ngeshure ni ya A-Makata. Yaluka Mbashane jina lienyi ngwenyi, Havote-Njaire ndo ku tangwa lino.

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 12:1

Mianangana a chifuchi, waze A-Izalele akumbile nikuzuka chifuchi cho sali lize lia Yordau ku Chivumbuko, chize ku chikulo cha Arnone ndo ku mulundu wa Hermone, hamuwika ni Arapa kweswe ku Chivumbuko, majino jo wano;

Yoshua 13:11

Ni Ngiliate ni chifuchi cheswe cha A-Ngeshure ni A-Makata, ni mulundu weswe wa Hermone, ni Mbashane mweswe ndo ku Saleka.

1 Samuel 27:8

David ni malunga jenyi ayile nikupupa A-Ngeshure, ni A-Ngezere, ni A-Amaleke, mumu katu ku shakulu e akwa chifuchi wano, ndo ku Shure ku chifuchi cha Engitu.