Yoshua 12:2 - MUKANDA USANDU WA ZAMBI 1975

² Sahone, mwanangana wa A-Amore, ku mahio ku Heshebone, wayulile chize ku Aroere chalisesa ni chikulo cha Arnone, chize hakachi ka chikulo ndo ku lwiji Yapoke, njiza ya A-Amone, chinalumbunuka chihanda cha ha muchima cha Ngiliate;

Mukanda Wa Zambi 1970

² Umuwika Sihone, mwanangana wa Aamore, yoze te wakuyula Heshbone Wanangana wenyi te Chihanda cha Gileade, chize ku limbo lia Aroere (hehi ni chikulo cha Arnone) ni limbo lia hakachi ka chikulo, ndoo ku lwiji Jaboke, ku njiza ya Amone;

Yoshua 12:2 Iomraidhean Croise

Ubutukilo 32:22

Mba ha ufuku yakatuka, yatwala mapwo jenyi aali ni ndungo ja mapwo aali, ni ana jenyi kumi ni umuwika, yazauka lwiji Yapoke ha mwa.

1 Sango Ja Mianangana 5:8

ni Mbela mwana Azaze, mwana Shema, mwana Joele yoze Watwamine ku Aroere ndo ku Nebo ni Mbale-meone,

Nehemia 9:22

Chikwo nawa waahele yifuchi ni mavungu yize waapangilile nikulita ni yihanda yo. Chocho azukile chifuchi cha Sahone, chifuchi cha mwanangana wa Heshebone, ni chifuchi cha Oge mwanangana wa Mbashane.

Miaso (Masamu) 135:11

Sahone mwanangana wa A-Amore, ni Oge mwanangana wa Mbashane, ni yifuchi yeswe ya mianangana a Kanana.

Jeremia 48:19

Ena watwama mu Aroere! Mana ku kulwa jila utale. Hula kuli mukwa kuchina hanji kuli mukwa kwomboka ngwe, Kuchi chapwa?

Shimbi 1:4

muze te iye halamba Sahone mwanangana wa A-Amore, atwamine ku Heshebone, ni Oge mwanangana wa Mbashane, Watwamine ku Asatarote, ku Endreya.

Akwa Kuyula 11:13

Mwanangana wa A-Amone yakumbulula tunganda twa Jefeta ngwenyi, Mumu A-Izalele, muze akatukile ku Engitu, atambwile chifuchi chami chize ku Arnone ndo ku Yapoke ni ku Yordau. Kashika hilwisacho haliapwila ni vumbi.

Akwa Kuyula 11:22

Azukile chifuchi cheswe cha A-Amore chize ku Arnone ndo ku Yapoke ni chize ku puya ndo ku Yordau.