Yoshua 11:8 - MUKANDA USANDU WA ZAMBI 1975

⁸ Yehova yaakunjika mu moko ja A-Izalele. O yaalamba, yaahanga ndo ku Sendone munene ni Miserefote-maime, ni ku Chivumbuko ndo ku chikulo cha Mizepa. Yaashiha, kahichikile chipwe katotamukele.

Mukanda Wa Zambi 1970

⁸ Mwene Zambi yakwasa Aisraele kukumba akwa kole jo. Aisraele yaahanga ndoo ku Misrefote Maime ni Sidone ku norde, ni ndoo ku chikulo cha Mizpa ku chivumbuko. Yaasa jita ndoo kukwasalile chibwe katota mukele.

Yoshua 11:8 Iomraidhean Croise

Ubutukilo 10:15

Kanana yasema kapula-jimo Sendone, ni Hete,

Ubutukilo 49:13

Zapulone makatwama ku ngenge ya kalunga-lwiji. Makapwa zuzu ya mato. Njiza yenyi muyikapwa ku Sendone.

2 Samuel 24:6

Yeza ku Ngiliate ni chifuchi cha Tatimi-Hodishi ni ku Ndanejane ni ndo ku Sendone.

Izaya 23:4

Ena Sendone, ivwa sonyi, mumu kalunga-lwiji hanahanjika, ye mbonge ya ku kalunga-lwiji ngwenyi, Chafumbajalile, chipwe kusema, chatelele akweze, chipwe kuhoka *avirgem.

Zakaria 9:2

Ni Hamate nawa, chifuchi chize chalihata nacho, ni Teru ni Sendone, chipwe ali ni mana anji.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Yoshua 10:20

Muze Yoshua ni malunga a A-Izalele hanamane kwashiha ni kwonwona chinene ndo hajimuka, mba waze asalile hanjila mu yihunda ya yipanga,

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 11:7

Kashika Yoshua waahetele susumuku hamuwika ni tujita twenyi eswe kwe ku meya a Merome. Yasa no jita.

Yoshua 13:6

waze eswe atwama mu chifuchi cha milundu chize ku Lebano ndo ku Miserefote-maime, chipwe A-Sendone eswe, yami mwene mungwahuma kumeso ja A-Izalele; chino wika, ukatetele chifuchi hakachi ka A-Izalele chikapwe chihinga chizechene ngwe hinakwamba.

Yoshua 19:28

ni Heprone ni Rehobo, ni Hamone, ni Kana, ndo ku Sendone munene.

Yoshua 21:44

Yehova waahele kuhwima kweswe kwa kujingilika chizechene ngwe walishingile kuli tulamba two. Niumwe hakachi ka akwa kole jo hahasa kulimika no, mumu Yehova hakunjika akwa kole jo eswe ku moko jo.