Yoshua 11:6 - MUKANDA USANDU WA ZAMBI 1975

⁶ Yehova yamba kuli Yoshua ngwenyi, Kanda nwavwila woma, mumu ha ola yino hamene mungwakunjika eswe, a kushiha, kuli A-Izalele. Munuteta mijipa ya tuvwalu two, munwocha matemba jo.

Mukanda Wa Zambi 1970

⁶ Mwene Zambi yambila Yoshua ngwenyi: “Kanda weevwila woma. Tala, hamene ha ola ngwe yino, mungukaakunjika eswe mu moko jenu, akushiha kulu. Munukalemeka tuvwalu two ni kwocha matemba jo.”

Yoshua 11:6 Iomraidhean Croise

2 Samuel 8:4

David yatambula kuli iye kanunu ka akwa tuvwalu ni kulakaji shimbiali a akwa tuvwalu, ni makumi aali a tununu a maswalale a kwenda hashi. Tuvwalu eswe a matemba-a-jita David yaateta mijipa, yafunga tuvwalu kukoka kulakaji lia matemba-a-jita.

1 MIANANGANA 6:16

Aye yamba ngwenyi, Kanda wivwa woma, mumu waze tuli no anji, o akepe ali no.

2 Sango Ja Mianangana 20:16

Hamene munuya kulimika no; o kanejila ku ukandukilo wa Jija, mba munukaawana ku songo lia chikulo ku uputukilo wa puya ya Jehiele.

Miaso (Masamu) 46:10

Holenu, nunyingike, yami Zambi. Mungukanangama hakachi ka mavungu; mungukanangama hashi heswe.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 46:9

Hamanununa jita ndo ku songo lia hashi; kakumakuna uta; kakupatula kunga hakachi; kakwocha ni kahia matemba a jita.

Yishima 20:7

Mukwa ululi yoze anende ni kutuwika cha mbunge yenyi, ana jenyi mamukaula mawaha.

Izaya 30:16

Nwambile ngwenu, Hi chocho ko! Mututambwisa tuvwalu twetu. Kashika munukatambuka kukatukako. Nwambile ngwenu, Mutwenda ha tuvwalu a tambu. Kashika akwa kunuhanga makapwa ni tambu.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Ezekiel 39:9

Mba waze atwama mu yihunda ya Izalele makatuhuka nikuwika majiko ja yuma ya jita nikuyocha; kepwe jinene ni jikepe, ni mata ni mivu, ni makunga ehi ni makunga asuku. Kumakayitenga kunyi ha miaka shimbiali,

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Nahume 2:13

Yehova-wa-Tujita kanambe ngwenyi, Kunalimika ni yenu. Kashika mungwocha matemba jenu a jita ni mwishi, ni katana malia mievu jenu a ndumba. Munguteta kulia chenu hashi, ni liji lia mikeji jenu kechi kalivwa nawa.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Yoshua 10:8

Yehova yamba kuli Yoshua ngwenyi, Kanda wavwila woma mumu hinaakunjika mu moko je. Kechi kumana kumeso je, chipwe lunga umuwika.

Yoshua 11:5

Mianangana waze eswe afutwile atu jo. Yeza, yasa chilombo cho hamuwika ku meya a Merome akase jita ni A-Izalele.

Yoshua 11:7

Kashika Yoshua waahetele susumuku hamuwika ni tujita twenyi eswe kwe ku meya a Merome. Yasa no jita.

Yoshua 11:9

Yoshua yaalinga chize Yehova yamutuma. Yateta mijipa ya tuvwalu, yocha matemba ni kahia.

Yoshua 3:5

Yoshua yamba kuli atu ngwenyi, Liselenu ku usandu mumu hamene Yehova malinga yipupu hakachi kenu.

Akwa Kuyula 20:28

ni Finehase mwana wa Eleazare, mwana wa Arone wavumbikile kumeso jawo ha matangwa aze). Yahula Yehova ngwo, Tuye cheka nawa mukwasa jita ni akwetu A-Mbenjamine, nyi tulitwamine? Yehova yamba ngwenyi, Yénu, mumu hamene mungwakunjika mu moko jenu.

Akwa Kuyula 7:9

Ufuku uze wene Yehova yamba kuli iye ngwenyi, Katuka ukapupe chilombo mumu hinachikunjika mu moko jenu.

1 Samuel 11:9

Yatuma mikeji aze ejile ngwo, Ambenu kuli mahinga a Njabeshe-Ngiliate ngwenu, Hamene manupulula ha chivukuminya cha tangwa. Mikeji yaheta, yambulwila malunga a Njabeshe, mba o awahililile chikolo.