Yoshua 11:20 - MUKANDA USANDU WA ZAMBI 1975

²⁰ Mumu Yehova wachilingile kukalisa mbunge jo akase jita ni A-Izalele hanga akaanongese liakulu. Kawanyine keke. Aajimine chizechene ngwe Yehova watumine Mose.

Mukanda Wa Zambi 1970

²⁰ Mwene Zambi yaakalisa mbunge akase jita ni Aisraele, hanga Aisraele aanongese, kwevwila keke ka. Chenacho Mwene Zambi ambilile Mose.

Yoshua 11:20 Iomraidhean Croise

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

1 Yitanga Ya Mianangana 12:15

Chocho mwanangana kapanjikile kuli atu, mumu Yehova wachilingile akakolese liji lienyi lize Yehova wahanjikile ku kanwa lia Ahija Ka-Shilone kuli Jeroboame mwana Nebate.

2 Sango Ja Mianangana 22:7

Kashika kwonwona cha Ahazia chakatukile kuli Zambi ha kuya kuli Jorame, mumu ha kuhetako yaya ni Jorame akase jita ni Jehu mwana Nimishi, yoze Yehova hanamuwayisa akasutule munyachi wa Ahabe.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Kutuhuka 10:1

Yehova yamba kuli Mose ngwenyi, Heta kuli Falau mumu hinakalisa mbunge yenyi, ni mbunge ja ngamba jenyi, hanga ngukalinge yino yilayi yami hakachi ko.

Kutuhuka 11:10

Mose ni Arone alingile yikomokeso yino yeswe kumeso ja Falau. Yehova yakalisa mbunge ya Falau. Kechele A-Izalele akatuke ku chifuchi chenyi.

Kutuhuka 14:17

Yami mwene mungukalisa mbunge ja A-Engitu. Kumakaakaulamo mba yami mungukazuka ulemu ha kukumba Falau ni yizavu yenyi yeswe, ni matemba jenyi, ni akwa tuvwalu twenyi.

Kutuhuka 14:4

Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.

Kutuhuka 14:8

Yehova wakalishile mbunge ya Falau, mwanangana wa Engitu, chocho yakaula A-Izalele mumu te A-Izalele yakatuka ni kwoko lia hamu.

Kutuhuka 4:21

Yehova yamba kuli Mose ngwenyi, Muze mukahiluka ku Engitu tala kanawa, ukalinge kumeso ja Falau yikomokeso yize yeswe nasele mu kwoko lie. Alioze mungukakalisa mbunge yenyi; iye kechi kwecha e atu kuya.

Kutuhuka 9:12

Yehova yakalisa mbunge ya Falau, kahalakanyine kuli ayo, chizechene ngwe Yehova wambile kuli Mose.

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Izaya 14:24

Yehova-wa-Tujita hanalishingi ngwenyi, Kumuchikapwa chizechene ngwe hinapala. Kumuchikakola chizechene ngwe hinafunjika ngwami,

Izaya 34:2

Mumu Yehova kanatenuka ni mavungu eswe, ufwatulo ali nawo ni tujita two eswe. Hanaahisa ni kwakunjika ku kushiha.

A-ROMA 9:18

Chocho mevwa keke hali yoze mamupala, ni yoze mamupala mamukalisa.

Shimbi 2:30

Alioze Sahone mwanangana wa Heshebone katutayijile kupalika kuli iye, mumu te Yehova Zambi yenu yakalisa manyonga jenyi, yamwaha pami mu mbunge yenyi, hanga amukunjike mu moko jenu, ngwe ha tangwa lino.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Akwa Kuyula 14:4

Tato ni naye kanyingikine ngwo, Chuma chino chinakatuka kuli Yehova, mumu iye te kanafupu unjililo kuli A-Filistea. Ha mwaka uze A-Filistea te kanayulu A-Izalele.

1 Samuel 2:25

Nyi mutu mavulumuna mutu ni mukwo, ngaji mamupatwila. Alioze nyi mutu mavulumuna Yehova iya mamuhakwila? Hindu kapanjikile liji lia tato. Mumu te Yehova kanazange kwashiha.