Yoshua 11:2 - MUKANDA USANDU WA ZAMBI 1975

² Yatuma nawa kuli mianangana a ku milundu ku Norte, ni ku Arapa sali lia ku Sule lia Chinerote, ni mu yikulo, ni ku Nafo-Ndole ku Chitokelo,

Mukanda Wa Zambi 1970

² ni kuli mianangana waze te atwama ku milundu ku norde, ni ku chikulo cha Yordau ku sude ya chitende cha Galilea, ni ku mikandu, ni ku mbumbulu ya kalunga lwiji, hehi ni Dore.

Yoshua 11:2 Iomraidhean Croise

1 Yitanga Ya Mianangana 15:20

Mbene-Hadade yapanjika liji lia mwanangana Asa. Yatuma tupitau twa tujita twenyi akase jita ni yihunda ya Izalele. Yapupa Ijone, ni Ndane, ni Abele-Mbete-Maka, ni chifuchi cheswe cha Chinerote, ni chifuchi cheswe cha Napatali.

1 Yitanga Ya Mianangana 4:11

Ben-Abinadambe mu mulundu weswe wa Ndole. Pwo lienyi Tafate mwana wa Solomone.

Kwalula 34:11

Njiza yikapalumuke chize ku Sefa ndo ku Ribila, ku sali lia Chivumbuko lia Ayine. Njiza yikapalumuke, yikahete ku ngenge ya Chitende cha Chinerote ku Chivumbuko.

Luka 1:39

Maria wakatukile ha matangwa aze, wayile kapupushi ku chifuchi cha milundu, ku limbo lia mu Yunda.

Luka 5:1

Shimbu mbunga amushinjikile mukwivwa liji lia Zambi, wamanyine ku sesa lia Chitende cha Ngenezare;

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 10:6

Malunga a Ngibeone yatuma kuli Yoshua mu chilombo cha Ngilingali ngwo, Kanda nwecha yetu ngamba jenu ku kwoko lienu. Tweyenu kuli yetu fuji nutulamwine, nutukwase mumu mianangana eswe a A-Amore wano atwama mu milundu hanalikungulula kulimika ni yetu.

Yoshua 11:16

Chocho Yoshua watambwile chifuchi chize cheswe, chifuchi cha milundu ni kweswe ku Negeve, ni chifuchi cheswe cha Ngoshone, ni chifuchi cha chikulo, ni Arapa, ni chifuchi cha Izalele cha milundu ni cha yikulo,

Yoshua 11:21

Yoshua wejile mwaka uze wene nikujima A-Anake ku chifuchi cha milundu, ni ku Heprone, ni ku Ndebire, ni ku Anape, ni ku chifuchi cheswe cha Yunda ku milundu, ni ku chifuchi cheswe cha Izalele ku milundu. Yoshua waajimine jito hamwe ni yihunda yo.

Yoshua 12:23

ni mwanangana wa Ndole mu Nafo-Ndole, umuwika, ni mwanangana wa Ngoyime mu Ngilingali, umuwika,

Yoshua 12:3

ni Arapa ndo ku Chitende cha Chinerote ku Chivumbuko, kwa kuya ku Mbete-Jeshimote, ku Chitende cha Arapa, che Chitende cha Mungwa, kwa kutalikisa ku Sule ndo ku ukandukilo wa mulundu wa Pisiga.

Yoshua 13:27

ni mu chikulo cha Mbete-Arame, ni Mbete-Nimera, ni Sukote ni Zafone, chize cheswe chasalile cha ku chifuchi cha Sahone mwanangana wa Heshebone, Chikwete Yordau njiza yacho ndo ku mwanda wa Chitende cha Chinerote, ku Chivumbuko sali lize lia Yordau.

Yoshua 17:11

Chikwo nawa hakachi ka A-Isaka ni A-Ashe, A-Manase kali ni Mbete-Shiane ni tuyihunda twako, ni Ibliame ni tuyihunda twako, ni akwa Ndole ni tuyihunda twako, ni akwa Endore ni tuyihunda twako, ni akwa Tanaka ni tuyihunda twako, ni akwa Megidu hi tuyihunda twako, ni ye milundu yitatu.

Akwa Kuyula 1:27

A-Manase kahumine akwa Mbete-Shiane ni tuyihunda twako, chipwe Tanaka ni tuyihunda twako, chipwe akwa Ndole ni tuyihunda twako, chipwe akwa Ibliame ni tuyihunda twako, chipwe akwa Megidu ni tuyihunda twako, alioze A-Kanana atwamine mu chifuchi chize ni pami jo.