Yoshua 11:16 - MUKANDA USANDU WA ZAMBI 1975

¹⁶ Chocho Yoshua watambwile chifuchi chize cheswe, chifuchi cha milundu ni kweswe ku Negeve, ni chifuchi cheswe cha Ngoshone, ni chifuchi cha chikulo, ni Arapa, ni chifuchi cha Izalele cha milundu ni cha yikulo,

Mukanda Wa Zambi 1970

¹⁶ Chenacho Yoshua atambwile chifuchi cheswe cha milundu ni mindundena ya ku norde ni ku sude, ni chifuchi cheswe cha Goshene, ni chifuchi cha mu yana ku sude ya Goshene, ni chikulo cha Yordau.

Yoshua 11:16 Iomraidhean Croise

Miaso (Masamu) 105:44

Waahele yifuchi ya mavungu. Azukile milimo ya mavungu ja atu;

Miaso (Masamu) 78:55

Wahumine mavungu kumeso jo nikwahana ngwe chihinga cha kweseka ni mihipu. Wanjishile minyachi ya Izalele akatwame mu mbalaka jo.

Ezekiel 17:23

He ha kunangama cha mulundu wa Izalele mungukautumba hanga ukasokese mitango, ni kwima mihuko ukapwe musedru upema. Mushi liawo milali yeswe ya tushitu makatwama; mu chihuhumuke cha mitango yawo milali yeswe ya tujila makatunga yaswa yo.

Ezekiel 36:8

Alioze yenu milundu ya Izalele, munukasokesa mitango yenu nikwima mihuko yenu kuli atu jami A-Izalele; mumu nikawashi mahiluka ku mahio.

Shimbi 1:7

Tewulukenu, nuye mu wenyi wenu, nuye ku chifuchi cha A-Amore ku milundu, ndo kuma kweswe kwasulangana nacho mu Arapa, ni mu chifuchi cha milundu, ni mu yana, ni ku Negeve, ni ku ngenge ya Kalunga-lwiji, chifuchi cha A-Kanana, ni cha Lebano, ndo ku lwiji munene, mwe lwiji Ufrateze.

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 10:41

Yoshua waakumbile chize ku Kandeshe-Mbania ndo ku Ngeza, ni chifuchi cheswe cha Ngoshone ndo ku Ngibeone.

Yoshua 11:15

Chizechene ngwe Yehova watumine Mose kavumbi kenyi, chocho Mose watumine Yoshua, chocho Yoshua yalinga. Yoshua kahichikile chuma nichimwe cha yize Yehova watumine Mose.

Yoshua 11:2

Yatuma nawa kuli mianangana a ku milundu ku Norte, ni ku Arapa sali lia ku Sule lia Chinerote, ni mu yikulo, ni ku Nafo-Ndole ku Chitokelo,

Yoshua 11:21

Yoshua wejile mwaka uze wene nikujima A-Anake ku chifuchi cha milundu, ni ku Heprone, ni ku Ndebire, ni ku Anape, ni ku chifuchi cheswe cha Yunda ku milundu, ni ku chifuchi cheswe cha Izalele ku milundu. Yoshua waajimine jito hamwe ni yihunda yo.

Yoshua 12:8

mu chifuchi cha milundu, ni mu chifuchi cha ku mwanda, mu Arapa, ha mindundena, mu puya, mu Negeve, ni chifuchi cha A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe.)

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino