Yoshua 11:15 - MUKANDA USANDU WA ZAMBI 1975

¹⁵ Chizechene ngwe Yehova watumine Mose kavumbi kenyi, chocho Mose watumine Yoshua, chocho Yoshua yalinga. Yoshua kahichikile chuma nichimwe cha yize Yehova watumine Mose.

Mukanda Wa Zambi 1970

¹⁵ Mwene Zambi te hanahana Shimbi kuli kavumbi kenyi Mose. Mose neye yajihana kuli Yoshua, Yoshua neye yajononokena. Yalinga yuma yeswe ngwe chize Mwene Zambi alwezele Mose.

Yoshua 11:15 Iomraidhean Croise

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

Kwalula 33:50

Yehova yamba kuli Mose mu yana ya Moape, ku sesa lia Yordau ku Yeriku, ngwenyi,

Kwalula 33:52

henaho nukahume kumeso jenu atu eswe atwama mu chifuchi, nukonwone mawe jo a kutota, nukonwone tuponya two twa kuzuzulula, nukapuzule manangamo jo eswe.

Mateu 23:23

Lamba lienu, akwa kusonyeka ni A-Fwariseu, yilembese! mumu nwakufweta chihanda cha kumi cha ku chimbumba ni endru ni kominyu, alioze hinunalelesa yuma yilemu yahiana ya shimbi, upatwilo wa kulita, ni keke, ni Ufulielo: alioze yino Chanutamba kulinga, alioze kanda nulelesa yikwo.

Luka 11:42

Alioze lamba lienu A-Fwariseu! nwakutambula chihanda cha kumi cha chimbumba ni aluta, ni yilimalima yeswe, alioze nwakulelesa ululi ni zango lia Zambi: Chanutamba Shinaho kulinga yino ni kulitwamina yikwo, ka.

Yilinga 20:20

ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa,

Yilinga 20:27

Mumu chalitwaminyine kwambujola kuli yenu mana eswe a Zambi.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 31:3

Yehova Zambi yenu makanutetekela, makonwona mavungu aze kumeso jenu, nukaazuke. Yoshua, iye makazauka kumeso jenu, ngwe ambile Yehova.

Shimbi 31:5

Yehova makaakunjika kumeso jenu, munukalinga kuli ayo nikulita ni liji lieswe lia shimbi hingunanwambelio.

Shimbi 31:7

Mose yasanyika Yoshua, yamba kuli iye kumeso ja A-Izalele eswe ngwenyi, Takama, uhamuke; mumu kumukaya ni wano atu ku chifuchi Yehova walishingile kuli tulamba two mukwaahacho, mukaatungisamo.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 11:12

Yihunda yeswe ya mianangana waze, Yoshua wayitambwile hamwe ni mianangana jo, nikushiha ni katana atu jamo eswe, nikwanongesa liakulu chizechene ngwe Mose kavumbi ka Yehova watumine.

Yoshua 11:14

Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Yoshua 11:16

Chocho Yoshua watambwile chifuchi chize cheswe, chifuchi cha milundu ni kweswe ku Negeve, ni chifuchi cheswe cha Ngoshone, ni chifuchi cha chikulo, ni Arapa, ni chifuchi cha Izalele cha milundu ni cha yikulo,

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.