Yoshua 11:14 - MUKANDA USANDU WA ZAMBI 1975

¹⁴ Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Mukanda Wa Zambi 1970

¹⁴ Aisraele yaanda yuma yeswe yibema ni ngombe a ku membo waze. Alioze yaashiha atu eswe, kukwasalile niumwe ni mwono.

Yoshua 11:14 Iomraidhean Croise

2 Sango Ja Mianangana 20:25

Muze Yehosofate ni atu jenyi ejile kupupa upite wo, yawana hakachi ko kulumbama cha upite ni mijimba ya afu, ni yuma ya uhenya ya ndando yilemu, mba yalichijilayo kuhiana yize mahasa kumbata. Matangwa atatu apwile nikuchiza upite mumu woka naye.

Kwalula 31:9

A-Izalele yatwala funge mapwo ja A-Mindiane, ni ana jo akepe; ni yimuna jo eswe, ni mapanga jo eswe, ni yikumba yo yeswe, yayitwala.

Shimbi 20:14

Hindu, mapwo ni ana akepe, ni yimuna, ni yeswe yili mu limbo, te upite wamo weswe, nukahchijile yenwene, mba nukalie upite wa akwa kole jenu, Yehova Zambi yenu ananwehewo.

Shimbi 20:16

Ahoze membo a atu ano Yehova Zambi yenu ananweho apwe chihinga, kanda nukafunga niumwe wa mwono wakuhwima mwiku,

Yoshua 10:40

Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Yoshua 11:11

Yashiha ni katana waze eswe apwilemo, nikwanongesa liakulu. Niumwe wa kuhwima mwiku wasalilemo. Mba yocha Hazore ni kahia.

Yoshua 11:13

Alioze A-Izalele kochele yihunda yize ya ha milumba, shina Hazore wika; acho Yoshua yachocha.

Yoshua 11:15

Chizechene ngwe Yehova watumine Mose kavumbi kenyi, chocho Mose watumine Yoshua, chocho Yoshua yalinga. Yoshua kahichikile chuma nichimwe cha yize Yehova watumine Mose.

Yoshua 8:2

Munukalinga ku Ayi ni mwanangana wacho chizechene ngwe nuna-kalinga ku Yeriku ni mwanangana wacho, alioze upite wamo ni yimuna jamo munutambula yikapwe upite wenu. Sako akwa kujikinyina kwe kunyima lia chihunda.

Yoshua 8:27

Yimuna wika ni upite wa chihunda A-Izalele azukile nikulita ni liji lize Yehova ambile kuli Yoshua.