Yoshua 10:7 - MUKANDA USANDU WA ZAMBI 1975

⁷ Kashika Yoshua yakatuka ku Ngilingali, iye ni tujita eswe hamwe nenyi, ni akwa hamu eswe a tachi.

Mukanda Wa Zambi 1970

⁷ Chenacho Yoshua ni mbunga yenyi ya tujita, ni akwa hamu eswe yaakatuka ku Gilgale.

Yoshua 10:7 Iomraidhean Croise

Izaya 8:12

Chize wano atu matongola ngwo, Utwahe, kanda uchitongola yena ngwe, Utwahe. Chize o mavwila woma, kanda uchivwila woma yena, chipwe kwivwa mwongo.

Izaya 8:14

Iye kumakapwa chiswamo, ni liwe lia kuhukanyisa, luliwe lwa kutalingisa ku minyachi yeswe yiali ya Izalele. Mapwamuheto ni kambwila kuli akwa Yerusaleme.

Yoshua 10:6

Malunga a Ngibeone yatuma kuli Yoshua mu chilombo cha Ngilingali ngwo, Kanda nwecha yetu ngamba jenu ku kwoko lienu. Tweyenu kuli yetu fuji nutulamwine, nutukwase mumu mianangana eswe a A-Amore wano atwama mu milundu hanalikungulula kulimika ni yetu.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Yoshua 8:3

Chocho Yoshua yakatuka ni tujita eswe akaye ku Ayi. Yoshua yasakula makumi atatu a tununu twa yitakame, akwa hamu, yaatuma ha ufuku.