Yoshua 10:5 - MUKANDA USANDU WA ZAMBI 1975

⁵ Mba e mianangana atano a A-Amore, mukwo mwanangana wa Yerusaleme, mukwo mwanangana wa Heprone, mukwo mwanangana wa Yaramuta, mukwo mwanangana wa Lakishi, mukwo mwanangana wa Eglone yakungulula tujita two, yakanduka ni maswalale jo eswe, yasa chilombo cho kulutwe lia Ngibeone nikwasa no jita.

Mukanda Wa Zambi 1970

⁵ Kashika mwanangana wa Yerusaleme, ni wa Hebrone, ni wa Jarmute, ni wa Lakishi, ni wa Eglone, mianangana wano atano ja Aamore, yaalikungulula, yaajingilika Gibeone, yaasa no jita.

Yoshua 10:5 Iomraidhean Croise

Ubutukilo 15:16

O ha chisemuko chamuchiwana kumakeza nawa ku kuno, mumu uhenge wa A-Amore te kanda woka.

Jeremia 34:7

shimbu tujita twa mwanangana wa Babilonia masa jita ni Yerusaleme, ni yihunda yeswe ya Yunda yize te yinasala, Lakishi ni Azeka, mumu yino te wika yasala ya yihunda ya kukolesa ya A-Yunda.

Kwalula 13:29

A-Amaleke katwama mu chifuchi cha Negeve; ni A-Hete, ni A-Yepushe, ni A-Amore katwama ku milundu; ni A-Kanana katwama ku mbaka ni mu chikulo cha Yordau.

Yoshua 10:16

Mba mianangana wano atano achinyine, yaswama mu chivwenge ku Makeda.

Yoshua 10:6

Malunga a Ngibeone yatuma kuli Yoshua mu chilombo cha Ngilingali ngwo, Kanda nwecha yetu ngamba jenu ku kwoko lienu. Tweyenu kuli yetu fuji nutulamwine, nutukwase mumu mianangana eswe a A-Amore wano atwama mu milundu hanalikungulula kulimika ni yetu.

1 Samuel 7:14

Membo aze A-Filistea te hanatambula kuli A-Izalele aahilwishilo, chize ku Ekrone ndo ku Ngata. Ni ye njiza yako yeswe A-Izalele yayitambula kuli A-Filistea. Chikwo nawa kukwapwile jita hakachi ka A-Izalele ni A-Amore.