Yoshua 10:40 - MUKANDA USANDU WA ZAMBI 1975

⁴⁰ Chocho Yoshua yakumba chifuchi cheswe, ku milundu, ni ku Negeve, ni ku yana, ni ku mindundena, ni mianangana jako eswe. Niumwe wasala wakuhi, alioze wanongesene eswe akwa mwiku wa mwono, chizechene ngwe Yehova Zambi ya Izalele hamutuma.

Mukanda Wa Zambi 1970

⁴⁰ Yoshua yatambula chifuchi cheswe ni mianangana eswe: ku milundu, ni mu yana ya ku chivumbuko, ni ku mikandu ya ku chitokelo, ni mu chifuchi cha ku sude. Kukwasalile niumwe, yaashiha atu eswe, nikulita ni Shimbi ya Mwene Zambi, Zambi ya Aisraele.

Yoshua 10:40 Iomraidhean Croise

1 Yitanga Ya Mianangana 15:29

Mba muze hapwa mwanangana washihile eswe a ku munyachi wa Jeroboame. Kahichikile kuli Jeroboame niumwe mukwa kuhwima mwiku wa mwono—ndo hamwonwona nikulita ni liji lia Yehova lize ahanjikile kuli kavumbi kenyi Ahija Ka-Shilone.

Nehemia 9:24

Chocho e ana anjilile ni kuzuka chifuchi, ni yena wazeyesele enya chifuchi kumeso jo, ngwami, A-Kanana; waakunjikile mu moko jo hamwe ni mianangana jo ni mavungu a chifuchi akalinge no cheswacho azangile.

Miaso (Masamu) 9:17

Yingulungulu kumakaambila mu Shiole, ewa, ni mavungu eswe akavulama Zambi.

Kutuhuka 34:12

Ulifunge yena mwene kuchina mukakwata usendo ni akwa chifuchi kuze mukaya, kuchina muukapwa kambwila hakachi kenu.

Kwalula 13:17

Mose yaatuma mukusembula chifuchi cha Kanana. Yamba kuli ayo ngwenyi, Kandukilenu ku jila yino ya ku Negeve, kandukenu ndo ku milundu.

Shimbi 1:7

Tewulukenu, nuye mu wenyi wenu, nuye ku chifuchi cha A-Amore ku milundu, ndo kuma kweswe kwasulangana nacho mu Arapa, ni mu chifuchi cha milundu, ni mu yana, ni ku Negeve, ni ku ngenge ya Kalunga-lwiji, chifuchi cha A-Kanana, ni cha Lebano, ndo ku lwiji munene, mwe lwiji Ufrateze.

Shimbi 2:34

Yitulwa membo jenyi eswe ha mwaka uze. Yitwonwona liakulu membo eswe, ni malunga, ni mapwo, ni ana akepe. Kutwalajhichikile niumwe, chipwe umuwika, ka.

Shimbi 7:24

Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

Yoshua 10:35

yachitambula tangwa lioliene. Yachilamba ni katana nikunongesa atu eswe apwilemo tangwa lioliene, chizechene ngwe halinga ku Lakishi.

Yoshua 10:37

yachitambula, yachilamba ni katana, ni mwanangana wacho ni yihunda yacho ni atu jamo eswe. Niumwe wasala wakuhi, chizechene ngwe halinga ku Eglone. Yachinongesa ni atu jamo eswe.

Yoshua 10:39

yachitambula, ni mwanangana wacho ni yihunda yacho yeswe nikwalamba ni katana, nikunongesa atu jamo eswe. Niumwe wasala wakuhi, chizechene ngwe halinga ku Heprone, ni ku Libna ni mwanangana wamo, chocho yalinga ku Ndebire ni mwanangana wamo.

Yoshua 11:16

Chocho Yoshua watambwile chifuchi chize cheswe, chifuchi cha milundu ni kweswe ku Negeve, ni chifuchi cheswe cha Ngoshone, ni chifuchi cha chikulo, ni Arapa, ni chifuchi cha Izalele cha milundu ni cha yikulo,

Yoshua 12:8

mu chifuchi cha milundu, ni mu chifuchi cha ku mwanda, mu Arapa, ha mindundena, mu puya, mu Negeve, ni chifuchi cha A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe.)

Yoshua 18:21

Yihunda ya munyachi wa A-Mbenjamine nikulita ni majimo jo yino; Yeriku, ni Mbete-Hogala, ni Emeke-Kezize,

Yoshua 6:17

Ni che chihunda ni yize yeswe yilimo munuyijilila kuli Yehova ha kwonwona. Rahape mwe chikoi wika matwama ni mwono hamwe ni waze eswe mapwa no mu zuwo lienyi, mumu iye waswekele tunganda waze twatumine.

Yoshua 8:2

Munukalinga ku Ayi ni mwanangana wacho chizechene ngwe nuna-kalinga ku Yeriku ni mwanangana wacho, alioze upite wamo ni yimuna jamo munutambula yikapwe upite wenu. Sako akwa kujikinyina kwe kunyima lia chihunda.

Yoshua 8:27

Yimuna wika ni upite wa chihunda A-Izalele azukile nikulita ni liji lize Yehova ambile kuli Yoshua.

Yoshua 9:24

O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.