Yoshua 10:4 - MUKANDA USANDU WA ZAMBI 1975

⁴ Tweyenu kuli yami nukangukwase tukalambe A-Ngibeone. Mumu hawana ni Yoshua ni A-Izalele.

Mukanda Wa Zambi 1970

⁴ “Tweyenu nungukwase kulimika ni akwa Gibeone, mumu haalikunda ni Yoshua ni Aisraele.”

Yoshua 10:4 Iomraidhean Croise

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Yoano 15:19

Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole.

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

2 Timoteu 3:12

Ewa, ni waze eswe mazanga kwenda ni uwayilo muli Kristu Yesu kumakamona yihungumiona.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

Yoshua 10:1

Adonezedeke mwanangana wa Yerusaleme wevwile chize Yoshua hatambula Ayi nikuchonwona liakulu, nikulinga ku Ayi ni mwanangana wacho chizechene ngwe halinga ku Yeriku ni mwanangana wacho. Wevwile nawa ngwe akwa Ngibeone hawana ni A-Izalele, hatwama hakachi ko.

Yoshua 10:5

Mba e mianangana atano a A-Amore, mukwo mwanangana wa Yerusaleme, mukwo mwanangana wa Heprone, mukwo mwanangana wa Yaramuta, mukwo mwanangana wa Lakishi, mukwo mwanangana wa Eglone yakungulula tujita two, yakanduka ni maswalale jo eswe, yasa chilombo cho kulutwe lia Ngibeone nikwasa no jita.

Yoshua 9:15

Yoshua wawanyine no. Yakolesa no usendo akatwame ni mwono. Akwa lutwe a chikungulwila alalikenyene no ni shingo.

1 Petulu 4:4

Chinaashimi ngwe kunushi kuzomboka hamwe no mu muhwiji umuwika wa kuhungumuka ni yipi, kashika anahanjika yipi hali yenu.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.