Yoshua 10:32 - MUKANDA USANDU WA ZAMBI 1975

³² Yehova yakunjika Lakishi mu moko ja A-Izalele. Yachitambula ha tangwa liamuchiali, yachilamba ni katana, ni atu eswe apwilemo, chizechene ngwe halinga ku Libna.

Mukanda Wa Zambi 1970

³² Mwene Zambi yakunjika Lakishi mu moko ja Aisraele ha tangwa lia muchaali lia jita. No yaashiha atu eswe waze te atwama mo, niumwe wasalile mo ni mwono, yaalinga ngwe chize alingile ku Libna.

Yoshua 10:32 Iomraidhean Croise

Kutuhuka 17:13

Chocho Yoshua yashiha tachi ja A-Amaleke ni ja atu jenyi ni lutwilo wa katana.

Izaya 37:8

Chocho Rabeshaka yahiluka, yawana mwanangana wa Asuria nikwasa jita ni Libna; mumu te hevwa ngwo, Mwanangana hakatuka ku Lakishi.

Shimbi 7:2

ha kwakunjika kumeso jenu kuli Yehova Zambi yenu munukaalamba, nukaakuwise liakulu, kanda nukakolesa no usendo niumwe, chipwe kanda nwavwila keke,

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 10:31

Yoshua yakatuka ku Libna yaheta ku Lakishi hamwe ni A-Izalele eswe. Yachiseleka, yachikumba.

Yoshua 10:33

Henaho Horame mwanangana wa Ngezere yaheta nikukwasa akwa Lakishi. Yoshua yamulamba hamwe ni atu jenyi ndo niumwe wasala wakuhi.

Yoshua 11:12

Yihunda yeswe ya mianangana waze, Yoshua wayitambwile hamwe ni mianangana jo, nikushiha ni katana atu jamo eswe, nikwanongesa liakulu chizechene ngwe Mose kavumbi ka Yehova watumine.