Yoshua 10:27 - MUKANDA USANDU WA ZAMBI 1975

²⁷ Alioze ha kunjila cha tangwa Yoshua yatuma, yaachiza ku mitondo yaambila mu chivwenge muze aswamine. Yajika utuhukilo wa chivwenge ni mawe anene. Kokwene kwali ndo musono.

Mukanda Wa Zambi 1970

²⁷ Ha kunjila cha tangwa Yoshua yahana Shimbi, mba tujita yaasunwisa ni kwambila mu chivwenge muze te aswamine. Yaashita ko mawe anene anene. Kwenako ali ndoo ni musono.

Yoshua 10:27 Iomraidhean Croise

2 Samuel 18:17

O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

Yoshua 4:9

Yoshua yalumbika kumi lia mawe ni mawe aali mukachi ka Yordau, kuma kuze kwamanyine yiliato ya asasendote anambata mushete wa usendo. Kokwene kwali ndo musono.

Yoshua 7:26

Yalumbika hali iye mulumba unene wa mawe. Wasala ndo musono. Mba Yehova watewulukile ku kusasaminya cha utenu wenyi. Kashika jina liako ndo musono ngwo, Chikulo cha Akore.

Yoshua 8:29

Yasukika mwanangana wa Ayi ha mutondo ndo chingoloshi. Ha kutoka cha tangwa Yoshua yatuma, yachiza mujimba wenyi ku mutondo, yaumbila mu chikolo cha chihunda nikulumbikilaho mulumba wa mawe. Kokwene kuuli ndo musono.