Yoshua 10:24 - MUKANDA USANDU WA ZAMBI 1975

²⁴ Muze haneha e mianangana kuli Yoshua iye yasanyika malunga eswe a Izalele. Yamba kuli akwa lutwe a tujita waze ayile nenyi ngwenyi, Kundamenu nukaliate ha kota ja wano mianangana. O yakundama, yaliata ha kota jo.

Mukanda Wa Zambi 1970

²⁴ Tufunga yaatwala kuli Yoshua. Neye yakungulula malunga Aisraele eswe, yahana Shimbi kuli miata a tujita waze ayile hamwe nenyi eze nikuliata ha kota ja mianangana waze. No yaalinga Chenacho.

Yoshua 10:24 Iomraidhean Croise

2 Samuel 22:39

Naakuwishile nikwatuwa ndusu, kechi kuhinduka nawa. Alimbukile kushi lia yiliato yami.

2 Samuel 22:41

Hiwatewulwisa manyima ja akwa kole jami, hanga ngukonwone waze akunguvwila kole.

Miaso (Masamu) 107:40

Kakuzukwila kaleleso hali yilolo. Kakwatuma akendangane mu puya muze kumushi jila.

Miaso (Masamu) 110:1

Yehova kanambe kuli Mwene wami, ngwenyi, Twama ku chindume chami ndo mungupwisa akwa kole je chitwamo cha yiliato ye.

Miaso (Masamu) 110:5

Mwene kwali ku chindume che, kumakalokola ndusu mianangana ha tangwa lia ufwatulo wenyi.

Miaso (Masamu) 18:40

Hiwatewulwisa manyima ja akwa kole jami, hanga ngukonwone waze akunguvwila kole.

Miaso (Masamu) 91:13

Kumukaliata hali ndumba ni fwiji. Mwevu wa ndumba ni kapela kumukaawonda kushi lia yiliato ye.

Izaya 51:23

Alioze mungukausa mu kwoko lia akwa kukupinjisa, waze ambile kuli yena ngwo, Hetama tukapalike, mba hiwatenga nyima ye ngwe hashi, ngwe tapalo kuli ayo hanga akapalikeho.

Malaki 4:3

Kumunukaliata yingulungulu mumu mapwa ngwe uto mushi lia yiliato yenu ha tangwa lize mungukalinga. Chocho kanambe Yehova-wa-Tujita.

A-ROMA 16:20

Alioze Zambi ya sambukila kumakafwenya Satana kushi lia yiliato yenu kamunomuno. Vumbi lia Mwene wetu Yesu Kristu likapwe hamwe ni yenu eswe. Amene.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Hebreu 1:13

Alioze ha kutwala kuli mungelo muka ambile ha mwaka umwe ngwenyi, Twama ku kwoko liami lia chindume, ndo mungusa akwa kole je chitwamo cha yiliato ye?

Akwa Kuyula 8:20

Yamba kuli mwanenyi mutangu Jetere ngwenyi, Katuka washihe. Alioze mwe mukweze katomwene katana kenyi mumu woma evwile se achili mukweze.