Yoshua 10:19 - MUKANDA USANDU WA ZAMBI 1975

¹⁹ Alioze kanda numanako yenu. Kaulenu akwa kole jenu, nukaalambe kunyima. Kanda akanjila mu yihunda yo, mumu Yehova Zambi yenu hanaakunjika mu moko jenu.

Mukanda Wa Zambi 1970

¹⁹ alioze yenu akwo tweyenu. Hangenu akwa kole jenu. Waze anachina nwashiha, kanda nwatayiza kuhiluka ku membo jo! Mwene Zambi, Zambi yenu, hanukunjikoo ni kwakumba.”

Yoshua 10:19 Iomraidhean Croise

2 Samuel 17:13

Chipwe hanjila mu chihunda chimwe A-Izalele eswe matwalako mihipu mba mutuchikoka nikuchimbila mu lwiji ndo kukuchi kusalako chipwe kaliwe kamuwika.

2 Samuel 20:6

David yamba kuli Abishai ngwenyi, Haliapwila Shipa mwana Mbikiri matupinjisa kuhiana Absalome. Anda atu ja mwene we ukamuhange kuchina manjila mu yihunda ya kukolesa ni yipanga, akomboke kumeso jetu.

Jeremia 48:10

Ashingiwe mweswawo malinga milimo ya Yehova ni lwelia; ashingiwe mweswawo makwika katana kenyi kumwanga manyinga.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Yoshua 10:18

Yoshua yamba ngwenyi, Langumunenu mawe anene nukajike utuhukilo wa chivwenge, nukaseko malunga kwafunga.

Yoshua 10:20

Muze Yoshua ni malunga a A-Izalele hanamane kwashiha ni kwonwona chinene ndo hajimuka, mba waze asalile hanjila mu yihunda ya yipanga,